Romu 1:18 - ALLALA KUMƐ

¹⁸ Alla ye ala diminyɛ yirala mɔgɛnu na ka bɔ Arinyɛni tɔ ka a tɛgɛ anuna hakɛ anubɛ anuna ko-yoge bɛɛ ma. Wonuna ko-yogoma-kɛ le tonyɛ masɛgila anu na.

Romu 1:18 ပူးပေါင်းရင်းမြစ်များ

Bɔ-Koe-Iyipiti 23:7

Mɔgɔ kana tɔgɛ sa a ta-nyɔgɛ la. Wo kana mɔgɔ-magbalanɛnu faga. Ni min ya wo sufa ma, nde, Mari si wo tigi yiliki.

Romu 1:19

Alla si anu tɔrɔya bawo mɔgɛ si ke min lɔnna Alla wara-koe rɔ, anu bara ban wo lɔnna nun, ado Alla nyɛrɛ ya a labɔ gbɛ rɔ anu ye.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

Romu 2:3

Kɔnɔ n bɔnu, wole min bi wo dɛ bilala mɔgɛnuna koe rɔ, wole nyɛrɛ ye ko-sufa wonu mala. Wo miri ko wo si porokɔlɔ Allala kiti kɔrɔ, wa?

Romu 3:9

Kɛ ye kama? Male Yahudiyanu fisa sibolo-gbɛrɛnu ko, wa? Ade! Ma ara ban a labɔla gbɛ rɔ ko a Yahudiya wo, a sibolo-gbɛrɛ wo, hakɛ ara sɛnbɛ sɔrɔn ma bɛɛsi kun na.

Romu 4:15

Nɛbi Musata tɔn-kitabu wara-koe ara a ma, Allala diminyɛ ara yigi ma kan ma. Kɔnɔ Allata tɔn-kitabu sa kan min, tɔn-tinyɛ sa nyɔ hali!

Romu 5:6

Allata-Mɔgɔ-Yabɔnɛ fagara male hakɛ-tiginu ye a wati-latɛgɛnɛ rɔ bawo ma ti ke ma nyɛrɛ dɛnbɛna.

Romu 5:9

Ata sayɛ ya a ma, ma ara telen Alla ye, ado min sanɛ wo kuma, ma si kisi Allata diminyɛ ma.

Romu 6:13

Wo kana wo nyɛrɛ bagbuyi lasɔnnaya hakɛ ye. Fɔ ka wo nyɛrɛ lasɔnnaya Alla ye telenbagaya-kɛ-tinɛ bawo wo ara bɔ sayɛ rɔ ka sɛgi nimayɛ rɔ,

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Kɔlɔsi 3:6

Koe kɛnu bi a mala, Allala diminyɛ si na ala kuma-birabɛlɛnu kan ma.

2 Tɛsalonaika 2:10

Minnu bi nala halakila, a si yanfa-yogoma-su bɛɛ don wonu ma min si a ma, anu ni halaki. Wonu si halaki bawo anu ma tonyɛ bira, ado ni anu ya tonyɛ keni nun, anu si kisi worɔ.

2 Tɛsalonaika 2:6

Ado nfan, wo ya a lɔn min bi a mabelila ko a kana na kaka. Nba, a wati-latɛgɛnɛ wa ke tumɛ min, “Kirasiti-yogo-finma-wɛ” wo si bɔ gbɛ rɔ, yɔ!