Romu 1:13 - ALLALA KUMƐ

¹³ N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 1:13 ပူးပေါင်းရင်းမြစ်များ

Aiseya 27:6

Wati ye nala, Yakoba kebilɛnu, Isirɛla mɔgɛnu, kɔni, anu si anu suli layigi pon iko kɔlɔma. Anu si gbusu ka fere. Anu gbɔɛ min bi sɔrɔnna nyɔ, duninya mumɛ si tɔnɛ sɔrɔn wo rɔ.

Yɔni 12:24

N bi tonyɛ fɔla wo ye, sugu-kolo kelen ti siyaya fɔ ni anu ya a ki dugi rɔ, ado anu ba a ki dugi rɔ, a si ma iko a ara faga. Wo kɔma, a si fɛrɛn ka siyaya.

Yɔni 15:16

Wole ma nde tɔnbɔn. Nde le ya wo yatɔnbɔn. N bara wo yatɔnbɔn alako wo ni ta gbɔ bɛrɛkɛ, ado gbɔɛ wo si to a la. Nba, wo wa ko-wo-ko tara n tɔgɔ rɔ, n Fa Alla si wo di wo ma.

Yɔni 4:36

Min bi fui-fan tɛgɛla, wo ye ala sarɛ sɔrɔnna. A si mɔgɛnu nadɛn habadan-nimayɛ ye iko mɔgɛ si fui-fan ladɛn nya min. Woletɔ mɔgɛ min ya dugi wɔrɔ, anubɛ min ya a tɛgɛ, wonu si sewa anu nyɔgɔn fɛ.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Kɛwɔlɛnu 15:12

Nba, nyama bɛɛ ya anu tole masɔ kumɛ wo la a kin na! Alla ya kabana-koenu anubɛ tamasere min bɛɛ kɛ sibolo-gbɛrɛnu ye anuna wɔli fɛ, Banabasi anubɛ Pɔli ya wo bɛɛ rakaran anu ye.

Kɛwɔlɛnu 19:21

Koe kɛ bɛɛ tenbinɛ, Pɔli ya a latɛgɛ a yisi rɔ ko a tenbi tala Yerusalɛm, a ni ta Masidoniya anubɛ Akeya sigisɔnnu tɔ. A ko, “N ba bɔ nyɔ rɔ tumɛ min, fɔ n ni ke Romu soe fanan.”

Kɛwɔlɛnu 21:19

Pɔli ya anu kɔndɔn. Alla ya koe min bɛɛ kɛ sibolo-gbɛrɛnu tɛma, a ya wo bɛɛ rakaran anu ye.

Kɛwɔlɛnu 28:14

Ma ya Marita mɔgɛ donu taran nyɔ. Wonu ya ma madiya ko ma ni lɔgɔkun kelen kɛ anu fɛ. Wo kɔma, ma bɔra nyɔ ka ta Romu.

Romu 1:12

N bi min ma, wo le ko ma ni ma nyɔgɔn dɛnbɛ. Nde si do sɔrɔn wota dɛnkɛninyɛ fɛ. Wo si do sɔrɔn ntɛ fɛ.

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

Romu 7:1

N na-kelen-nyɔgɛnu, n bi a fɛ ka min fɔ wo ye, wo si wo nya-yen bawo wo dama ya tɔn wara-koe lɔn. Ma tenbi ma niyi la, furu-tɔn siginɛ ma kuma.

1 Kɔrɛnti 1:10

N na-kelen-nyɔgɛnu, wo yandi, n bi wo madiyala ma Mari Yisa, Allata-Mɔgɔ-Yabɔnɛ tɔgɛ rɔ ko wo dama ni sɔn wo nyɔgɔnna kumɛ ma. Dan-nafarɛ kana taran wo tɛma. Wo ni to kan kelen, miriya kelen anubɛ sɔn kelen tɔ feu,

1 Kɔrɛnti 10:1

N na-kelen-nyɔgɛnu, ma benba minnu bilara Musa fɛ, n bi a fɛ, wo ni wo yili to wonu ko. Banda-fin-gbɛ le ya anu yamatogon ha anu dama kɛndɛ tenbira Kɔgɔ-Yi-Wulan rɔ.

1 Kɔrɛnti 12:1

Nba, n na-kelen-nyɔgɛnu, n bi a fɛ ka kuma wo ye Allata Ni-Sɛnimɛta fandɛnu bara-koe rɔ. N bi a fɛ, wo ni tonyɛ lɔn wonuna ko la.

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.

1 Kɔrɛnti 14:26

N na-kelen-nyɔgɛnu, n bi nfen ma kɛ la? Wo wa wo ladɛn Alla bato tinɛ, a fɛrɛ sa fɔ koe bɛɛ ni ma chɔchi-dɛnbɛn-koe la. Bɛti do ye mɔgɔ kelen bolo, mɔgɛ do ye karan kɛla, dogbɛrɛ ye ko-rayirɛ kɛla ka bɔ Alla bolo, dogbɛrɛ ye kumala kan-gbɛrɛ rɔ, mɔgɔ-gbɛrɛ ye a kan latenbila ka a kɔrɛ fɔ.

1 Kɔrɛnti 9:2

Hali donu ma n lɔn kilayɛ la kɔnɔ wole nyɛrɛ ya n lɔn! Wo ara dɛnkɛninya Mari ma min kɛ, wo ara a yira ko kilayɛ le nde la.

2 Kɔrɛnti 1:8

Nba, n na-kelen-nyɔgɛnu, ma ya tɔrɔyɛ min sɔrɔn Esiya nyamanɛ rɔ, ma ye a fɛ ka wo lalɔn wo la. Dunɛ minnu sara ma kuma, wonu kolo, ado anu gbili. Ma yigi bɛɛ tɛgɛra ko ma ti to ma niyi la.

2 Kɔrɛnti 2:14

Tabarakala Alla ma! Mabɛ Kirasiti ye kan kelen tɔ min kɛ, Alla ya ma ma yelela-mɔgɛnu na ka ma mayira gbɛ rɔ Kirasitita nɔlɛ rɔ. Nba kaka, ma tenbi tala kan-tina wo kan-tina, a si male bi ka Marita kibara-nyimɛ lake doinu ma. Kibarɛ wo si nyɛnsɛn iko sɛnti-suma-diyamɛ.

Kalesiya 3:15

N na-kelen-nyɔgɛnu, n bi a fɛ ka Allata lanyiri sanka koe do ma min bi mala tuma-wo-tuma. Mɔgɔ fila wa sara min ma, mɔgɔ-wo-mɔgɔ ti sarama-kan wo tinya, ado mɔgɔ ti fenfen kofu wo ma tun. A sa wo nya na le?

Kalesiya 6:18

Nba, n na-kelen-nyɔgɛnu, ma Mari Yisa, Allata-Mɔgɔ-Yabɔnɛta hinɛ ni to wo dama fɛ. Amina.

Filipai 1:22

Kɔnɔ ni n tora n niyi la, n si ke ka wɔli-nyima-bɛrɛ kɛ. Woletɔ n ma a lɔn n si nyamintan yabɔ worɔ.

Filipai 4:17

A ma ma, n makoe ye kɔ-fen na wo bolo. Min fisa, n ni to wo yenna sabatila ka a tɛgɛ wota foninsereyɛ ma. Wo le di n ye,

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

1 Tɛsalonaika 2:18

Wo sɔgɛ ya ma bira kati! Nde, Pɔli ya n taya sɛgi-koe ma wo wara. A ma dan kinyama kelen ma kɔnɔ Setanɛ ya kilɛ tɛgɛ ma ma.

1 Tɛsalonaika 4:13

Ma na-kelen-nyɔgɛnu, minnu bara ta lakira nun, ma ye a fɛ, wo ni a lɔn anu bara-koe ye nya min. Wo le si a ma, wo ma ti kinikini iko minnu yigi sa habadan-nimayɛla ko la.

2 Tɛsalonaika 2:7

“Kirasiti-yogo-finma-wɛ” wo ye wɔlila kaka kɔnɔ mɔgɛ kelen de nyɔ min bi a mabelila, ado ale kelan si to a mabelila ha a ni kilɛ di a ma.

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.