Hɔbadaya 1:7 - ALLALA KUMƐ

⁷ Wo dɛnbɛnɛ-kɛnu si wo yanfa ka wo gben wola nyamanɛ rɔ. Wobɛ kɛ minnu bi ko-kelan rɔ nun, wonu si yɛlɛma wo kuma ka wo nɔ. Wobɛ minnu bi fan dɔnna wo nyɔgɔn tɛma nun, a ko wonu si gbɛrɛ lasigi wo ye kɔnɔ wo ti anu kɔrɔ yen muk!

Hɔbadaya 1:7 ပူးပေါင်းရင်းမြစ်များ

Yaburi 41:10

E, Mari, i yandi, kinikini n ma ka n nakɛndɛya alako n ni n tayili sara n yogenu na.

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 38:22

N ya min yen ko-rayirɛ wo rɔ, musi min bɛɛ tora Yuda mansɛla bolɔn la, n ya mɔgɛ do sɔnɛ yen wonu yarɔ. A ye tala anu na Babilɔn mansɛla mɔgɔ-banu bara. Musi wonu bi tala a fɔla ko, ‘Mansɛ diyana-mɔgɛnu bara a lasama kilɛ ma. Sɛnbɛ ye wonu na ka tenbi mansɛ la. Ale mansɛ kian ara yigi bore rɔ. A diyana-mɔgɛnu bara a bolokanɛ to ka a magboya.’ ”

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Yɛrɛmaya 49:7

Mari Sɛnbɛ-Bɛɛ-Tigi ya kɛ le fɔ Idɔm kɛnuna ko rɔ ko hɛnkilima sa Idɔm kɛnu tɔ, wa? Anu hɛnkili-kɔlɛnuna hɛnkili ara toronde anu na, wa? Anuna ko-lɔn ara tunu anu bolo, wa?

Nimisa Koe 1:19

“N ya n kenintenu kele n dɛnbɛn-koe rɔ kɔnɔ anu ya anu ban n bolo gbat! Nna saraka-masɔlɛnu anubɛ kun-tiginu bi fagala kɔnkɛ bolo. Anu bi anu niyi lakandanna fen-nyini-tinɛ kɔnɔ anu ti ke a sɔrɔnna.

Hoseya 13:13

Wole Isirɛla mɔgɛnu, fɛrɛ ye wo bolo, wo ni to wo niyi la kɔnɔ wo sa sɔnna fɛrɛ wo la. Wo mani de iko dan min sɔrɔn-wati ara ke kɔnɔ a ni a ban bɔ-koe ma fɔnyɔ la.

Hoseya 7:11

Wo hɛnkili dɔgɔyanɛ iko kangbɔɛtɛ. Wo ye ta-ni-sɛgi kɛla Iyipiti anubɛ Asiriya nyamanɛnu tɔ ka a tɛgɛ wo dɛnbɛn-koe ma.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’