Hɔbadaya 1:5 - ALLALA KUMƐ

^5-6 Kankannu ba na suyi rɔ ka kankanyɛ kɛ, anu ba anu wasakara maka bɔn la, anu si ta anu ye worɔ. Kɔn-gbɔɛnu mo-wati wa ke, anu si a monɛnu bɔ a la ka do to nyɔ. Kɔnɔ wole Isɔ kegeyɛnu, Mari ko wo yogenu ti kinikini wole ma wo nya. Anu si wo bolo-kolonya feu! Anu si wo bolo-fan mumɛ bɛɛ bi tɛrr!

Hɔbadaya 1:5 ပူးပေါင်းရင်းမြစ်များ

2 Samuwɛli 1:19

“E, Isirɛla mɔgɛnu, mala kun-tiginu furi bolokanɛ kɔnkɛnu kuma Isirɛla nyamanɛ rɔ. Mala kɛlɛ-dan minnu kerinte, wonu bara bui.

Aiseya 14:12

“Ile Babilɔn mansɛ, ile min manɛ nun iko banda-ka-da-lole, i wara bɔ san-kole ma ka bui dugi ma. Fɔlɔ nun, i ya sibolenu nɔ kɔnɔ kaka, i wara fili dugi ma gbɛ!

Aiseya 17:6

Mɔgɔ-dande le ye tola a niyi la. Isirɛla si ma iko toro-kuri min gbɔɛ ara fɔlɔla banna a la fɔ a gbɔ sawɛ min bi a sore la. Isirɛlata Mari Alla kan le kɛ la.

Aiseya 24:13

A ye mala nyamanɛ bɛɛ la ka le duninya mumɛ bɛɛ rɔ. Duninya si ma iko mɔgɔ wa kɔlɔma anubɛ nɔnbɔ-gbɔɛ bɛɛsi keri. Fenfen ma to.

Yɛrɛmaya 49:9

Ni mɔgɛ ya kɔn-gbɔɛ keri, a si a kelen-kelennɛnu to a la. Ni kankannu nara bɔn la suyi rɔ, anu bi anu bitɛ le bila.

Yɛrɛmaya 50:23

Babilɔn mara kundu-wɛ la nun ka duninya bɛɛ ratiitii. Kɔnɔ kaka, kundu-wɛ wo ra si nyɛnsɛn gbesenkirin! Sibole bɛɛ kun ma si kɔ ka a tɛgɛ min bi nala mala nyamanɛ wo rɔ.

Yɛrɛmaya 6:9

Mari Sɛnbɛ-Bɛɛ-Tigi ya a fɔ n ye ko Isirɛla mɔgɔ-dande minnu tora anu niyi la, anu yogenu ni anu kundɛn kan-tina-kelen. Anu ni anu nadɛn iko mɔgɛ si kɔn-gbɔɛ ladɛn nya min. Anu ba ban, anu ni sɛgi ka a bolɔn bɛɛ lafɛlɛn iko kɔn-gbɔ-tigi si a ma nya min.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Hɔbadaya 1:9

Wola kɛlɛ-kurugbɛnu kun ma si kɔ Idɔm nyamanɛ rɔ. Wola kɛlɛ-dannu dama si faga tɛrr!

Maika 7:1

Nɛbi Maika ya a fɔ ko, “Mata tɔrɔyɛ ara to ma ma fufafu! N yigi tɛgɛnɛ iko kɔnkɔtoe wa a labɔ ki-fannu ma kɔnɔ a ma a gbɔ taran a la. Kɔn-gbɔɛ min dɔn-sɔgɛ wa a bira, a wa ta nyɔ, a ni wo lakolɔn taran filili!

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Tɔn-Fɔɛ-Fila-Nyɔgɛ 24:21

Wola ki-fannu fanan bi wo nya. Wo wa ban wola ki-fannu nadɛnna, wo kana sɛgi sangban tatenkan tinɛ tun. Min bi tola sangban rɔ, mɔgɔ-tɔrɔnɛnutɛ le wonu na.

Lankɛnimayɛ 18:10

Anu si anu sɔ wulɛ la pon alako anu kana do sɔrɔn ala nyagbɛ wo rɔ. Anu si a fɔ ko, “E, gbalo! Gbalo! Ile Babilɔn-so-belebele, so-sɛnbɛlamɛ, ila tɔrɔyɛ ara na kɛ i ma hawa kelen pe kɔrɔ!”