Hɔbadaya 1:21 - ALLALA KUMƐ

²¹ Mɔgɛ kɛnu ba ban soe kɛnu bila anu bolo, anu si ta Idɔm nyamanɛ fanan bi ka a mara. Ale Mari nyɛrɛ si ma mansɛ la ata mɔgɛnu kuma nyɔ.

Hɔbadaya 1:21 ပူးပေါင်းရင်းမြစ်များ

Ko-Dabirɛnu 25:23

Mari ya a fɔ a ye ko, “I si fɛrannu sɔrɔn. Wonu si ma bɔnsɔn-kun-tiginu na. A kinamɛ si wɔli a dɔgɔmɛ ye.” Bɔnsɔn wonu si to anu nyɔgɔn kɛlɛla. Bɔnsɔn doi sɛnbɛ si koloya doitɛ ko.

2 Mansɛnu 13:5

Mari ya kunkalɛ do lata min tara anu kunka ka anu bɔ Siriyanu bolo. Wo kɔma, Isirɛla mɔgɛnu sigira lafɛrɛ rɔ iko anu bi nya min nun fɔlɔ.

Nihɛmaya 9:27

Woletɔ i ya a ma, anu yogenu ya anu bira ka to anu kun na. Tɔrɔyɛ wo le ya a ma, anu ya anu kan nabɔ i ma anu dɛnbɛn-koe rɔ, ado i ya anuna matarali-kan yabi san-kole rɔ. I ya kun-tiginu nana minnu ya anu nakanan anu yogenu masibɛ ma bawo i kinikinite.

Yaburi 102:15

Sibolo-gbɛrɛnu bi kilanna Mari tɔgɛ la. Duninya-mansɛ bɛɛ kilannɛ ata sɛnbɛ la.

Yaburi 22:28

Mari kelen pe le mansɛ la. Ale le si mɔgɛ bɛɛ mara!

Yaburi 22:29

Hali mɔgɛ minnu wasinɛ, wonu si anu madu ka a bato, ado hadama-dan bɛɛ si a madu ka a bato.

Yaburi 47:7

Mansɛ le ale la duninya mumɛ kun na. Wo ni a matɔgɔ bɛti-nyimɛnu na.

Yaburi 67:4

Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

Aiseya 19:20

Fen filɛ wonu si ma Mari Sɛnbɛ-Bɛɛ-Tigita tamasere la Iyipiti nyamanɛ rɔ. Mɔgɛ wonu tenbi tɔrɔyɛ rɔ tumɛ min, anu ba Mari kele anu dɛnbɛn-koe la, a si kinikini anu ma ka anu nakanan.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Daniyɛli 12:3

Minnu si Allata hɛnkilimayɛ bira anu bolo filɛ la ka kila-latelennɛ yira mɔgɔ-siyaman na, wonuna hɛnkilimayɛ si malan iko lolenu.”

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 7:14

Habadan-Tigi-Alla wo ya sarati anubɛ gbiliyɛ anubɛ mansaya-sɛnbɛ di a ma alako duninya-sibole bɛɛ ni wɔli a ye. Ala saratiyi si to burubukai, ado ala mansayɛ ti ban mumɛ!

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Maika 4:7

Anu toe minnu bi tola, minnu manɛ iko namarɛnu, a si wonu ma bɔnsɔn-kurɛ dabirɛ la. Wonu si yiri boi! Hali anu bi wula-yannu na pon, a si anu nana anuna nyamanɛ rɔ tun. Mari ko ale le si ma wonuna mansɛ la ata Bon-Sɛnimɛ la Yerusalɛm kɔnkɛ kuma.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Matiyu 6:10

Ila mansayɛ ni na ma kuma. I sako ni kɛ duninya rɔ iko a ye kɛla Arinyɛni tɔ nya min.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Luka 22:30

Wo si wo de-nyini nna tebulu la nna mansayɛ rɔ ka wo sigi mansaya-waganɛnu tɔ Isirɛla bɔnsɔn tan-ni-filɛ kiti tɛgɛ tinɛ.”

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

Yemesi 5:20

wo ni wo hɛnkili to kɛ ko, min ba hakɛ-tigi yɛlɛma ka bɔ a hakɛ-kilɛ fɛ, wo si hakɛ-tigi wo niyi lakisi sayɛ ma ka a ma, hakɛ siyamɛ ma ni koto.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.

Kɛlɛ-Kurugbɛnu 2:16

Wo kɔma, Mari ya a ma, kɛlɛ-kurugbɛnu wulita Isirɛla mɔgɛnu tɛma minnu mara anu kumafunfannɛnu na kankan wonuna ko la.

Kɛlɛ-Kurugbɛnu 3:9

Isirɛla mɔgɛnu dira Mari dala. Mari ya Kelabu dɔgɔ-keminɛ Kenasila den Ɔtiniyɛli yabɔ ka ma kɛlɛ-kurugbɛ la Isirɛla mɔgɛnu ye ka anu kunka.