Hɔbadaya 1:19 - ALLALA KUMƐ

¹⁹ Isirɛla mɔgɛ minnu bi Yuda nyamanɛ rɔ dugula wara la, Mari ko wo donu si ta anu sigi Idɔm nyamanɛ rɔ. Minnu bi kɔnkɔ-nyamanɛ rɔ tele-yigi wara la, a ko wonu si ta anu sigi Filisiti nyamanɛ rɔ. Wo donu si ta anu sigi tun Ifɛrɛm anubɛ Samariya nyamanɛ rɔ. Bɛnyamɛ bɔnsɔn-mɔgɛnu fanan si ta Kaliyadi nyamanɛ bi anu bolo tun ka anu sigi nyɔ.

Hɔbadaya 1:19 ပူးပေါင်းရင်းမြစ်များ

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

1 Ko-Kɔrɔta-Karan 5:26

Woletɔ Alla ya a ma, Asiriya Mansa Pulu tara bui anuna nyamanɛ wo ma. (Ale mansɛ tɔgɛ do le fanan Tigilati-Pilesa.) Rubɛn bɔnsɔn wo, Kadi bɔnsɔn wo, Manasa bɔnsɔn-talɛ wo, ale Mansa Pulu ya wonu bira ka ta anu na pon! A ya donu sigi Hela sigisɔn rɔ. Wo kɔma, a tara donu to Hara sigisɔn rɔ. A tara donu fanan to Koson sigisɔn rɔ min bi Hebɔ bɛ dafɛ. Anu bi nyɔ wara la ha bi.

Ɛsira 4:17

Mansɛ ya anuna kɛdi karan ka a kɔfili ko, “N bara wo dama kɔndɔn, wola kun-tigi Rihum, anubɛ ala kɛdi-sɛbɛlɛ anubɛ kun-tigi minnu bi Samariya, hali mɔgɔ-ba-toe minnu bi Yufereti bɛ tele-yigi warala-toe rɔ.

Ɛsira 4:2

anu nara Sarababulu anubɛ kebila-kunyɛnu bara. Anu ko, “A sɔgɛ ye ma la ka wo dɛnbɛ Bato-Bɔn kɛ sɔla. Wo ye Alla min batola, male fanan bi wo le batola. Kebi Asiriya Mansa Isahadɔn ya ma lana yan tɔ tumɛ min, ma taranta sarakɛnu bɔla wola Alla kɛ le ye.”

Yaburi 69:35

A si Yerusalɛm lakisi ka so-nɛnu sɔ-kura-kɛ tun Yuda nyamanɛ rɔ. Ata mɔgɛnu si sigi nyɔnu tɔ ka nyamanɛ wo bi.

Yɛrɛmaya 32:44

Mɔgɛnu si anu san ka kɛdi ladan anu nyɔgɔn tɛma. Anu si anu tɔgɛ sɛbɛ a kɔrɔ ka anu mandan sa a ma. Wo kɔma, sereyɛnu fanan si anu tɔgɛ sɛbɛ a kɔrɔ. Kɛ ye mala Bɛnyamɛ bɔnsɔnla nyamanɛ le tɔ anubɛ so-mɛsɛ minnu bi Yerusalɛmna foolɛ rɔ. Kɛ ye mala fanan Yuda nyamanɛ soenu tɔ anubɛ nyɔ-kɔnkɔ-nyamanɛ rɔ. A ye mala fanan Yuda nyamanɛ dugula soenu tɔ anubɛ gburukulinu bi nyamanɛ min tɔ. A ko a si nyamanɛ lasɛgi a tiginu ma tun. Ale Mari kan le kɛ la.

Yɛrɛmaya 49:1

Mari ya kɛ le fɔ Amonnuna ko rɔ. A ko kurusi-tigi sa Isirɛla mɔgɛnu tɔ min si anuna nyamanɛ kumafunfan? Nfenna Molɛki kɔlɛnu ya Kadi bɔnsɔnta nyamanɛ bi anu yala ka sigi nyɔ, anu ma fenfen fɔ?

Isikiyɛli 25:16

woletɔ n bara a latɛgɛ ko n si bui Filisitinu ma ka anu ban feu! Min bɛɛ siginɛ Filisitinuna lɛɛ wo rɔ, n si wo bɛɛ kasara pɔ!

Isikiyɛli 36:28

Wo kɔma, n ya nyamanɛ min di anu benbanu ma, anu si sigi nyɔ rɔ. Anu si ma nta mɔgɛnu na. Nde fanan si ma anuta Alla la.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 1:8

A ko a si Filisitinu anubɛ anuna kun-tiginu halaki anuna so-karantannu tɔ, Asadadi anubɛ Asikalɔn, kɔni. A ko a si Ɛkirɔn-soe-mɔgɛnu tɔrɔ ka Filisitinu nato dogbe!” Taya Kɛnu

Emɔsi 9:12

A ko Idɔm nyamani-toe min tora a bibɛlɛ nun, ata Isirɛla mɔgɛnu si wo fanan nɔ ka anubɛ sibole doinutɛ ma anutɛ la. Mari ko a nyɛrɛ gbɛ le wo bɛɛ la.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Yasowa 13:25

Yasa soe anubɛ soe min bɛɛsi ye Kaliyadi nyamanɛ rɔ, wo mara anutɛ la anubɛ Amon nyamani-talɛ ha ka ke Arɔra soe ma, Raba soe tele-bɔɛ wara la. Mansa Saihɔnta nyamani-toe wo bɛɛ sara Kadita nyamanɛ kuma,

Yasowa 13:31

Musa ya Kaliyadi nyamanɛ talɛ di Manasala den Makiri ma, Asitɔra anubɛ Ɛdiriya soenu bi kan tinɛ min tɔ, kɔni.

Yasowa 15:33

Soe minnu bi kɔnkɔ-mɛsɛmɛnu kuma, wo le kɛnu na, Ɛsateyoli, Sora, Asana,