Nimisa Koe 5:1 - ALLALA KUMƐ

¹ E, Mari, i miri ma ara tɔrɔ nya min nun, i kolan layigi ma yarabi-nya ma ma yogenu bolo.

Nimisa Koe 5:1 ပူးပေါင်းရင်းမြစ်များ

Nihɛmaya 1:3

Wonu ko mɔgɔ-birani-kɔrɛ minnu kunyɛ ma to-a-rɔ, wonu sɛgira Yerusalɛm. Anu kɔndɔfilinɛ kaka dɔgɔma-ma-de! Anu ko fanan ko sibolo-gbɛrɛ minnu bi anuna foolɛ rɔ, wonu yigi tɛgɛnɛ anu tɔ. Anu ya min fɔ n ye Yerusalɛm wara-koe rɔ ko kebi anu ya nyɔ-tarɛ keri ka a don-dɛnu mintan, ha bi, nyɔ tinyanɛ. A la ma dan bɛ.

Nihɛmaya 1:8

I yandi, i wara koe minnu fɔ Nɛbi Musa ye nun, i fonde lamiri wonu ma. I ko ni male Isirɛla mɔgɛnu ma ma telen i ye, i si ma ranyɛnsɛn sibolo-gbɛrɛnu tɛma.

Nihɛmaya 4:4

Woletɔ n ya Alla matara, n ko, “E, Alla, i wɔlɔ matɔlɔ ma rasɛlɛnu bi min fɔla ma ma. Ma mayɛlɛn-kan ni sɛgi anu kɔgɔ rɔ. I yandi, a ma, mɔgɛ donu ni na anu bira ka ta anubɛ anu bolo-fannu na pon!

Yobu 10:9

I miri de! I ya bɔnkɛ le bi ka nde dan. I ye nala n nunkula le tun iko gbangban?

Yobu 7:7

E, Alla, i miri. N siyi si ban tiriya, iko niyi-lafɛ-kelan. N yɛ ti sa nyagalan ma tun.

Yaburi 119:153

N tɔrɔ-bole kɛ mafɛlɛn. I yandi, n nakanan bawo n ma nyina ita tɔnnu ko.

Yaburi 74:18

Kɔnɔ Mari, i miri, i yogenu bi yɛlɛnna i ma. Alla-lɔnbɛlɛnu denu bi ile Alla rasɛla.

Yaburi 79:12

E, n tigi, sibolo-gbɛrɛ minnu bara i manyini, i tayili sara wonu na iko wɔrɔnfila.

Yaburi 79:4

Sibolo-gbɛrɛ minnu bi mala foolɛ rɔ, wonu bi ma mɔɛnna. Anu bi yɛlɛnna ma ma ka ma manyini.

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Yɛrɛmaya 15:15

E, Mari, ile min ya ko lɔn, i fonde lamiri n ma ka n nakanan. N tayili sara n tasɛlɛnu na. I kana i munyu anu kɔrɔ, ha anu ni n faga. Mari, anu bi tɔrɔyɛ min bɛɛ sigila n ma, wo bɛɛ tɛgɛnɛ ile le ma.

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Nimisa Koe 1:11

Yerusalɛm kɛnu bi kurunna dɔnta-nyini-tinɛ. Anu bi anuna fen-kolomɛnu felenna dɔn-fan la alako anu kana na faga kɔnkɛ bolo. Anu bi a fɔla ko, “E, Mari, i kolan lana, i ni ma yarabi-nya yen.”

Nimisa Koe 1:20

“E, Mari, i ma a yen, n niyi ra ara gbɛrɛn n ma. N yisi ara tinya ka a tɛgɛ nta murutiyɛla ko ma. N yogenu ya nna dannu faga luyi ma. Fenfen sa bɔnnu na fanan fɔ sayɛ.

Nimisa Koe 1:9

Ala sɛninyabɛlitayɛ wo mani de iko musi min wulita ala kurɛ ratinyana kɔnɔ a ma a miri nun ko a si a laban wo nya na. A labui-koe ya mɔgɛnu tɛrɛna. Mɔgɔ-den-kelen sa nyɔ min si a madiya. A ye dila ko, “E, Mari, i wara n nɔ-nya yen n yogenu bolo, wa? N dɛnbɛ.”

Nimisa Koe 2:15

Mɔgɛ min tenbi tenbila, wo ye a dɛ bosila a kɔrɔ Yerusalɛm soe ma. Min ba ke Yerusalɛm tinyanɛ ma, wo si a bole sa a dɛ la ka kawa. Anu bi a fɔla ko, “So-kinyɛ wo le ma kɛ la nun? Duninya sa anu diyala kɛ le la nun?”

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Nimisa Koe 3:19

N ba n miri n tɔrɔya-nya ma, ado n barɛ fɛ-yan n na, wo si ma n ye iko dawarɛ.

Nimisa Koe 3:50

ha Mari ni a kolan layigi n ma ka bɔ san ma n dɛnbɛn-tinɛ.

Nimisa Koe 3:61

“I wara n mamɔɛn-kan lamɔɛn anu bolo, ado anu bara yanfɛ min bɛɛ kiri n ma, ile Mari ya wo bɛɛ lɔn.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Luka 23:42

A ya a fɔ Yisa ye ko, “Yisa, i wa mansaya tumɛ min, i ni i fonde to n ko!”