Nimisa Koe 4:2 - ALLALA KUMƐ

² Mala keminɛnu gbili ma ma iko sɛnɛ-hakikɛ gbili nya min, kɔnɔ anu mani de mɔgɛnu yala kaka iko bɔnku-dagɛ.

Nimisa Koe 4:2 ပူးပေါင်းရင်းမြစ်များ

Aiseya 30:14

A ko wo ra si tii iko bɔnku-dagɛ. Wo ra si nyɛnsɛn gbesenkirin, hali min si ma ta-kɔ-fan la, wo ti taran. Hali min-kɛ-fan ti sɔrɔn a rɔ.

Aiseya 51:18

Dugurɛn-wo-dugurɛn ti taran ile Yerusalɛm soe le tɔ, min si i bole bira tagama tinɛ.

Yɛrɛmaya 19:1

Mari ya a fɔ n ye ko n ni ta bɔnku-dagɛ do san daga-sɔlɛ ma. Wo kɔma, a ko n ni tenbi Yerusalɛm soe don-dɛ rɔ min tɔgɛ Bɔnku-Daga-Gbɛnkian ka ta Bɛn-Hinɔm lɛɛ rɔ. A ko n ni ta wola kun-tigi donu na nyɔ anubɛ saraka-masɔla-kun-tigi donu. A ko n ba ke nyɔ, n ni a fɔ wo ye ko

Yɛrɛmaya 19:11

N bara a ratii min kɛ, n ni a fɔ ko Mari Sɛnbɛ-Bɛɛ-Tigi ko a ye soe kɛnubɛ a nyamanɛ toe kɛ ratiila ka le, ado mɔgɔ ti ke a tugunna a nyɔgɔn na tun. Mɔgɛnu si furinu togon hali Tofɛti bɛsi-kɔ-tinɛ kɛ rɔ. Anu si furinu togon ha, hali dugu-sibiri-kundi ti to.

Yɛrɛmaya 22:28

Yɛhoyasin mani de iko bɔnku-daga-kore min nakɛnɛ a rɔ. Mɔgɔ-wo-mɔgɔ mako ti taran a la tun. Nfen bi a mala, Yɛhoyasin anubɛ ala dannu na ye kɛla a rɔ? Nfenna anu na ye kɛla a rɔ sibolo-gbɛrɛnuna nyamanɛ rɔ?

Nimisa Koe 2:21

A fonike wo, a kinan wo, bɛɛ furi-bolokanɛ ye belenna da-wo-da soe burɔ. Ma yogenu bara ban mala fonikenu tasɔgɔ-sɔgɔla faan la. Ita diminya-belebele le ya a ma, ma yogenu ya ma boso.

Nimisa Koe 5:12

Anu ya mala kun-tiginu bole dan lakiri ka anu dun san ma. Hali mala kinanu, anu ma kinikini wonu ma.

Hoseya 8:8

Wole Isirɛla mɔgɛnu bara ma iko sibolo-gbɛrɛnu. Wo ara ma iko bɔnku-daga-gbɛnkian mɔgɛ mako sa min na.

Sakaraya 9:13

A ko a si wole Yuda mɔgɛnu ma ata kalɛ la. A ko wole Isirɛla mɔgɛnu si ma kalɛ wo bɛn la. A ko a si wole Yerusalɛm mɔgɛnu nawɔli ka wo ma kɛlɛ-den-kɛndɛ la Kirikinu kan ma.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

2 Timoti 2:20

Miran-su-siyaman bi bon-belebele la. Donu nadannɛ sɛnɛ anubɛ wodi-gbɛ la. Donu nadannɛ kɔlɔma la. Bɔnku-dagɛnu bi nyɔ fanan. Donu nadannɛ gbiliyɛla ko la, donu nadannɛ a wɔli-toela ko la.