Nimisa Koe 3:37 - ALLALA KUMƐ

³⁷ Yon si ke kumɛ fɔla, a ni bɔ-a-la, ni n Tigi Mari ma sɔn wo ma fɔlɔ nun, ba?

Nimisa Koe 3:37 ပူးပေါင်းရင်းမြစ်များ

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

1 Mansɛnu 22:34

Kɔnɔ Siriya kɛlɛ-dan do ye nyɔ nun, wo ya ala kalabɛn lakɛ. Kalabɛn wo tara bɛn Isirɛla Mansa Ehabu la ka don a kɔgɔ-matanka-fan latugun tinɛ do rɔ. Mansa Ehabu ya a fɔ ala kirindi-laburilɛ wo ye ko, “N bara tanban. Ma sɛgi. Ma fara kɛlɛ la.”

2 Mansɛnu 6:33

A ye banna kumɛ kɛ fɔla wo gbetu, mansɛ wo kera. Mansɛ wo ko, “Mari le ya tɔrɔyɛ kɛ bɛɛ lana ma kuma. N si Marita dɛnbɛnɛ wo makɔnɔ nfen ko la tun?”

Yobu 10:13

Kɔnɔ kaka gbɛ, n bara a lɔn ko kɛ bɛɛ rɔ, i kɔnkɔnnɛ n ma ko-yogomɛ kɛ-koe la.

Yobu 2:10

Yobu ya a fɔ a ye ko, “Ile ye Alla-lɔnbɛliya-kumɛ fɔla. Alla wa ko-nyimɛ kɛ ma ye, ma sewamatoe si wo bira. Nfenna a wa tɔrɔyɛ lana ma ma, ma si gbunyɛ wo kɔrɔ?” Yobula tɔrɔyɛ wo damasi kɔrɔ, a ma kuma-wo-kuma fɔ min si Alla fonde tɔrɔ.

Bɔ-Koe-Iyipiti 10:10

Ale mansɛ ya a fɔ anu ye ko, “Ni wobɛ wola denbayɛnu kera tala, alamɛ Alla tora wo fɛ kɔnɔ wo ni a lɔn ko nde ti sɔn wola musinu anubɛ wola dannu boloka-koe ma muk! Wo ye yanfanteyɛ min sigila n ma, wo ye gbɛ le tɔ.

Hɛnkilimaya-Kumɛnu 16:9

Mɔgɔni-gbuyi si ke a mirila koe ma a burɔ kɔnɔ Mari wo ye a latɛgɛla le.

Hɛnkilimaya-Kumɛnu 19:21

Mɔgɛ si a miri le kɔnɔ Mari, wo le ye a latɛgɛla le.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Yɛrɛmaya 23:32

Mari ko wo ni wo tole masɔ a la. Nɛbi minnu bi kiyo-rakaran la, wonu burɛ lafanɛ foninyɛ le la. Mari ko a ye wonu kɛlɛla le. Anu bi kiyo-rakaran la alako ka wole, ata mɔgɛnu kunyɛ bɔ ale, Marita kilɛ ma. Fenfen ma wo la fɔ nyɛrɛ-matɔgɛ anubɛ foninyɛ. A ko ale ma anu sɔ mumɛ! A ko anu tɔnɔ-wo-tɔnɔ sa wole, Marita mɔgɛnu ma hali! Ale Mari kan le kɛ la.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Romu 9:15

Alla ya a fɔ Nɛbi Musa ye ko, “N bi a fɛ ka kinikini min ma, n si kinikini wo ma. N bi a fɛ ka hina min na, n si hina wo la.”

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.