Nimisa Koe 3:26 - ALLALA KUMƐ

²⁶ Min fisa, fɔ ka i munyu alako Mari si na ma lakisi nya min.

Nimisa Koe 3:26 ပူးပေါင်းရင်းမြစ်များ

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

Yaburi 119:166

Mari, n bi i makɔnɔna n nakanan-koe rɔ, ado i wa min fɔ n ye, n bi wo le mala.

Yaburi 119:174

E, Mari, a sɔgɛ ye n na, i ni n dɛnbɛ ka n nakanan. N si sewɛ sɔrɔn ita tɔnnu denu tɔ.

Yaburi 130:5

N bi gbaranna Marita dɛnbɛnɛ la. N lanɛ ata kuman-kan la kosɛbɛ!

Yaburi 37:34

I yigi sa Mari rɔ ka ata tɔnnu bira. Wo si a ma, i ni gbiliyɛ sɔrɔn. Nyamanɛ ni to i bolo worɔ. Mari tenbi karagbɛlɛnu gbenna nyamanɛ wo rɔ, i si wo rayen i yɛ la.

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 52:9

Ka a tɛgɛ Alla ara min ma n ye, n si baraka bira a ye dɛɛ! N si baraka bira Alla ye mɔgɛ bɛɛ yala. N si a tɔgɔ-nyimɛ rakaran kan tinɛ bɛɛ rɔ.

Yaburi 54:6

E, Mari, n sewanɛ le ye sarakɛ dila i ma. N si baraka bira i ye ka i tɔgɔ tanto i nyimayɛla ko la.

Yaburi 62:2

Ale le kelen pe si n natanka ka n kisi. N kisi-tinɛ le ale la. Mɔgɔ-wo-mɔgɔ ti n nɔ.

Yaburi 73:28

Ni ndetɛ le, a fisa, mɔgɔ ni a gbɛrɛn Alla ma. Nde ara a ma, n tigi Mari ni n nakanan ka to ala kɛwɔli-nyimɛnu takaranna mɔgɛnu ye, wo fanan di n ye.

Yaburi 92:1

E, Mari, ka baraka bira i ye, wo kin dɔgɔma-ma-de! E, Alla Min Bi Fan Bɛɛ Kun Na, a kin ka bɛti bɔ ile le ye.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Aiseya 30:15

Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Aiseya 30:7

Iyipiti kɛnu bi wo dɛnban min kɛla, fufafuyi le wo la. Woletɔ Mari ko a ya anu kele ko, “Ninkinanka-rakolɔn.”

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Nimisa Koe 3:27

A fisa, mɔgɛ tenbi a pose rɔ, a ni munyu-koe makaran.

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Kalesiya 4:18

Nba, ka wo tole masɔ ko-nyimɛ la, wo kin. N bi wo fɛ wo, n sa wo fɛ wo, a bɛnta, wo ni to wo tole masɔla ko-nyimɛ la tolon!

Hiburunu 10:35

Nba, yisi-latɛgɛ min bi wo bolo, wo kana wo boloka bawo barayi-ba bilanɛ a fɛ.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!