Nimisa Koe 1:20 - ALLALA KUMƐ

²⁰ “E, Mari, i ma a yen, n niyi ra ara gbɛrɛn n ma. N yisi ara tinya ka a tɛgɛ nta murutiyɛla ko ma. N yogenu ya nna dannu faga luyi ma. Fenfen sa bɔnnu na fanan fɔ sayɛ.

Nimisa Koe 1:20 ပူးပေါင်းရင်းမြစ်များ

Yobu 30:27

Yakɔrɔ-mamɔɛ min bi n ma, wo ti ban. Tuma-wo-tuma, tɔrɔyɛ tun!

Yobu 33:27

A si sɔ nyama tɛma, a ni a fɔ ko, “N bara hakɛ kɛ.” A ni a fɔ ko, “N ma ko-nyima ma kɔnɔ Alla ara n nakanan.

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Yaburi 38:8

N sɛnbɛ ara tɛgɛ yisi-tinya bolo yadi! N tora kurunna yisi-tinya bolo.

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 16:11

N bi kurunna Mohabu kɛnuna ko la iko anu tenbi bɔlɔn fɔla saya-koe kuma. N yisi tinyanɛ Kiri-Harɛsɛti soela ko la.

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 14:20

Mari, ma ara ma sɔn a la i ye ko ma wunduyogo ka a dan-natenbi. Ma ara ma sɔn a la ko ma benbanu ma a nyima sigi i ma. Ma ara hakɛ kɛ i la kati!

Yɛrɛmaya 2:35

kɔnɔ wo ye sɛgila a fɔla tun ko fɛɛ sa wo la. Wo ma la a la ko Mari kɔrɔtɔnɛ wo ma mumɛ! Kɔnɔ Mari ko a si wo tɔrɔ bawo wo ara wo da ragbɛlɛya ko wo ma hakɛ kɛ.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 4:19

Nde, Yɛrɛmaya ye a fɔla ko, “E, dumɛ! N yisi ye n tɔrɔla kosɛbɛ!” A ye tugula n burɔ. N ti ke a birala n tɔ tun. A ye wo nya na le bawo n bi kɛlɛ-buru-kan lamɔɛnna. N bi kɛlɛ-sɔnkɛ lamɔɛnna.

Yɛrɛmaya 48:36

Woletɔ a ko a si di Mohabu anubɛ Kiri-Harɛsɛti kɛnuna ko la. A si di iko mɔgɛ tenbi saya-sigi sala fuli rɔ bawo anu bolo-fan bɛɛ si na kasara anu ma.

Nimisa Koe 1:11

Yerusalɛm kɛnu bi kurunna dɔnta-nyini-tinɛ. Anu bi anuna fen-kolomɛnu felenna dɔn-fan la alako anu kana na faga kɔnkɛ bolo. Anu bi a fɔla ko, “E, Mari, i kolan lana, i ni ma yarabi-nya yen.”

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Nimisa Koe 1:9

Ala sɛninyabɛlitayɛ wo mani de iko musi min wulita ala kurɛ ratinyana kɔnɔ a ma a miri nun ko a si a laban wo nya na. A labui-koe ya mɔgɛnu tɛrɛna. Mɔgɔ-den-kelen sa nyɔ min si a madiya. A ye dila ko, “E, Mari, i wara n nɔ-nya yen n yogenu bolo, wa? N dɛnbɛ.”

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Nimisa Koe 5:16

Ma wasinɛ fan min bɛɛla ko la nun, wo fenfen ma to ma bolo tun. Gbalo ye ma kuma bawo ma ara hakɛ min kɛ.

Isikiyɛli 7:15

Mari ya a fɔ nde, Isikiyɛli ye ko, “Kɛlɛ ye belenna soe kɔma. Kirayɛ anubɛ kɔnkɛ ye soe burɔ. Minnu bi binyɛ rɔ, wonu kunyɛ ye tola kɛlɛ rɔ. Minnu bi soe tɛma, kirayɛ anubɛ kɔnkɛ ye wonu maforongbanna.

Daniyɛli 9:5

“Kɔnɔ male ara hakɛ kɛ ka ko-yogomɛ anubɛ karagbɛlɛyɛ ladan. I ya min fɔ ma ye, ma ara ma ban wonu na. I ya ko-telennɛ-kilɛ min yira ma la, ma ara ma kan-kɔ sɔ wo la ka bila ma nyɛrɛta kilɛ fɛ.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Tɔn-Fɔɛ-Fila-Nyɔgɛ 32:25

Wo si belenna fagala wola luyinu ma kɛlɛ bolo. Hali wo tenbi bɔn la, wo kumakɔnɛ si to kilan bolo. Kemini-mɛsɛ wo, sunkurun-mɛsɛ wo, a bɛɛ si faga. Hali dennɛnu anubɛ kun-gbɛnu ti to anu niyi la.