Nihɛmaya 9:6 - ALLALA KUMƐ

⁶ Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Nihɛmaya 9:6 ပူးပေါင်းရင်းမြစ်များ

Ko-Dabirɛnu 1:1

Alla ya duninya-dan dabira tumɛ min,

Ko-Dabirɛnu 1:9

Wo kɔma Alla ko, “Yi min bi dugu ma, wo la ni dɛn kan-tina-kelen. Dugu-kole ni bɔ yi wo tɛma.” Wo mara iko a ya a fɔ nya min.

Ko-Dabirɛnu 2:1

Alla banta duninya danna ka le anubɛ fan min bɛɛ ye a rɔ.

Ko-Dabirɛnu 32:2

Yakoba ya anu yen tumɛ min, a ko, “Allata daga makɛ tinɛ le kɛ la.” Woletɔ a ya kan tinɛ wo tɔgɔ sa ko, “Daga Makɛ Tina Fila.”

1 Mansɛnu 22:19

Nɛbi Mɛkaya ya a fɔ a ye tun ko, “I tole masɔ Marita kumɛ la. N bara Mari mayiginɛ yen ala waganɛ rɔ Arinyɛni tɔ, ala melikanu kinkinɛ a la.

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

2 Mansɛnu 19:15

A donta matarali-kɛ rɔ, a ko, “E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yaburi 102:25

Bi ma, duninya dan i bolo. I ya san-kole dan i nyɛrɛ kɔɛn le la.

Yaburi 103:21

Wole san-kole sɛnbɛ-tiginu, wo ni Mari tanto! Ala wɔli-kɛlɛ le wole la. Wo ye a sako kɛla.

Yaburi 115:15

Mari min ya san-kole anubɛ dugu-kole dan, alamɛ ata duwɛ tora yigila wo kuma.

Yaburi 124:8

Mari min ya san-kole anubɛ dugu-kole dan, wo le ye ma dɛnbɛna.

Yaburi 146:6

San-kolo wo, dugu-kolo wo, kɔgɔ-yi wo, anubɛ min bi anu tɔ, ale le ya wo bɛɛ dan. Tuma-wo-tuma, a si ala lanyirinu natɔnbagaya.

Yaburi 24:10

Yon bi mansa-makawanɛ kɛ la? Mari Sɛnbɛ-Bɛɛ-Tigi le mansa-makawanɛ wo la.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Yaburi 36:6

Ila telenbagayɛ yan iko kɔnkɔ-layan-bɛnu. Ni mɔgɛ si kɔgɔ-yi-dumɛ kɔrɛ lɔn, mani, mɔgɛ si ile Marita kiti-tɛgɛ-nya lɔn. Hadama-dannu anubɛ sogenu namaranɛ ile Mari le bolo.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Aiseya 37:16

“E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Yɛrɛmaya 32:17

“E, ma Tigi Mari, i ya san-kole anubɛ dugu-kole ladan ita fanka le la. I ti kuri fenfen na.

Isikiyɛli 20:11

N ya nna sereyanu fɔ anu ye ka anu karan nna tɔnnu ma, ado ni min ya wonu bira, wo si siyimayɛ sɔrɔn.

Yona 1:9

Nɛbi Yona ko, “Hiburu le nde la. Mari Alla min bi san-kole rɔ pon, nde si wo le kelan madiya. Ale le ya dugu-kole anubɛ kɔgɔ-yi kɛ dan.”

Yɔni 10:30

Mabɛ n Fa, kelen de ma la.”

Kɛwɔlɛnu 4:24

Anu ya wo lamɔɛn tumɛ min, anu dama ya anu nadɛn ka Alla matara ko, “N tigi Mari, ile le ya san-kole anubɛ dugu-kole dan hali kɔgɔ-yi anubɛ fan min bɛɛ ye wonu tɔ!

Tɔn-Fɔɛ-Fila-Nyɔgɛ 10:14

“Fan min bɛɛsi ye san-kole rɔ anubɛ dugu-kole kuma, Maritɛ le wonu na.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Tɔn-Fɔɛ-Fila-Nyɔgɛ 6:4

“Wole Isirɛla mɔgɛnu, wo ni kɛ lamara wo sɔndɔmɛ rɔ gben, ka a lɔn ko Mari kelen pe kɛ le mata Alla la.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 1:6

Kɔnɔ Alla wulita ala den-kei kelen pe lanala duninya rɔ tumɛ min, a ya a fɔ ko, “Wole melika bɛɛ ni wo nyɛnkin a ye ka a bato.”

Lankɛnimayɛ 14:7

A ya a fɔ a kulu-mayɛlɛnɛ la ko, “Wo ni kilan Alla la ka a tanto ata gbiliyɛla ko la dɛɛ, ado mɔgɛnu-kiti-wati ara ke a bolo. Nba, wo ni wo nyɛnkin Alla kɔrɔ ka a bato. Wo ni ale Alla tanto, min ya san-kole anubɛ dugu-kole anubɛ kɔgɔ-yi anubɛ tenke bɛɛ dan!”

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”