Nihɛmaya 9:37 - ALLALA KUMƐ

³⁷ Ma ara hakɛ kɛ min kɛ, mala nyamanɛ kɛ tɔnɛ bɛɛ ara ban tola sibolo-gbɛrɛ-mansɛnu denu ye. Koe minnu di anu ye, anu bi wo le sigila mabɛ mala kolo-fannu ma. Ma ye tɔrɔya-belebele le kɔrɔ kɛ la.”

Nihɛmaya 9:37 ပူးပေါင်းရင်းမြစ်များ

Ɛsira 4:13

Ma tigi, ni anu ya soe kɛ anubɛ a tarɛ laban, anu si anu ban duti dila i ma. I sɔrɔn-fan si dɔgɔya ka bɔ nyamanɛ kɛ rɔ.

Ɛsira 6:8

Ado nfan, wo ni anu dɛnbɛ wodi-koe rɔ. Wo ye duti min sɔrɔnna Yufereti bɛ tele-yigi waralɛ wo rɔ, anu madɛnbɛ-fan ye bɔla wo le tɔ alako fɛɛ kana na sa wɔlɛ wo la.

Ɛsira 7:24

Kɔnɔ wo ka fenfen makele saraka-masɔlɛ anubɛ Lifayi anubɛ Bato-Bon-sigi-salɛnu anubɛ Bato-Bon-makandannɛnu anubɛ Bato-Bonna-wɔli-kɛlɛnu na. Hali min kian donnɛ Bato-Bon-ko-wɔlɛ rɔ, wo kana fen bɔ dutiyɛ la.

Nihɛmaya 5:8

N ya a fɔ anu ye ko, “Ma ara ma raya nun ka ma na-kelen-nyɔgɛnu kunka sibolo-gbɛrɛnu bolo. Kɔnɔ kaka, wo ye wo na-kelen-nyɔgɛ Yahudiyanu fɔrɔsɛla ka anu nyɔgɔn mayira wo ma.” Kun-tiginu ya a sigi-a-la don! Anu ma ke fenfen fɔla.

Nimisa Koe 5:5

Anu bi ma lagbengbenna iko sofɛlɛ-dunumatoe. Ma bandanta dɔgɔma-ma-de kɔnɔ sulen-kunya sa ma bolo.

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Yɔni 8:33

Anu ya a yabi ko, “Iburayima bɔnsɔn le male la. Ha bi, ma ma ma wɛ mɔgɔna-yɔɔn la. Ka a fɔ ko ma si hɔrɔya, i miriya ye kama?”

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:39

Wo si wola ki-fannu fɛ-bira kɔnɔ wo ti wola kɔn-gbɔɛ wonu yi min, hali ka anu dɔn kamasɔrɔn tunbinu si anu tinya wo bolo.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Tɔn-Fɔɛ-Fila-Nyɔgɛ 28:51

Anu si wola kolo-fannu anubɛ wola sɛnita-fannu bi wo bolo. Kɔnkɛ si wo faga. Wola fui-fen wo, wola ki-fen wo, wola kolo-fen wo, anu si wo bɛɛ bi wo bolo. Wo ye fagala wo nya na le.