Nihɛmaya 9:35 - ALLALA KUMƐ

³⁵ Wati wo rɔ, anu taranta sigini anuna mansɛnu kɔrɔ yisi-kimɛ rɔ nyamani-nyimɛ kɛ rɔ ile ya min di anu ma. Kɔnɔ hali wo, anu ma anu fara hakɛ-kɛ la ka ile sako kɛ.

Nihɛmaya 9:35 ပူးပေါင်းရင်းမြစ်များ

Nihɛmaya 9:25

Anuna so-latankanɛ wo, anuna wɔli-kɛ-tina-nyimɛnu wo, fen-kolomɛnu bi bɔn minnu na wo, yi lamara tinɛ minnu sinnɛ nun wo, anubɛ ki-fen-su bɛɛ, anu ya wo bɛɛ bi anu bolo. Anu ya anu de-nyini ha anu kunbayara pɔti! I ya fen-nyimɛ min bɛɛ di anu ma nun, wo ya a diya don anu tɔ.”

Nihɛmaya 9:34

Ma benbanu wo, mala mansa wo, mala kun-tigi wo, mala saraka-masɔla wo, ma fenfen ma ila tɔnnu bira. Anu ma anu tole sigi ila makawandili-kumɛnu kɔrɔ.

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Tɔn-Fɔɛ-Fila-Nyɔgɛ 28:47

Wo ma sɔn Mari sako-kɛ-koe ma wo yisi-sewanɛ la wo tumɛ wo ye wo diya,

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.

Tɔn-Fɔɛ-Fila-Nyɔgɛ 31:21

Wo le si a ma, n si gbalo-koe lana anu kuma. Hali wo, anu si to bɛti kɛ bɔla. Wo si ma sereyɛ la anu kan ma. Hali kaka, yanni anu ni ta lanyiri-nyamanɛ rɔ, n ya a lɔn min bi anu kɔntɔ.”