Nihɛmaya 9:32 - ALLALA KUMƐ

³² “E, mata Alla, i makawara. I makilannɛ ita sɛnbɛ la. Sarama-kan min kirinɛ ma tɛma, ile ara itɛ latɔnbagaya. Kebi Asiriya mansɛnu ya ma tɔrɛ min dabira, ha bi, ma ye tɔrɔya kelen wo le kun na. Mala mansa wo, mala kun-tigi wo, mala saraka-masɔla wo, mala nɛbi wo, ma benbanu wo, anubɛ mala mɔgɛ toenu wo, ma dama ye tɔrɔyɛ wo rɔ. I yandi, i miri mala tɔrɔyɛ yirika ma.

Nihɛmaya 9:32 ပူးပေါင်းရင်းမြစ်များ

1 Mansɛnu 8:23

A ya Alla matara, a ko, “E, Isirɛlata Mari Alla, i nyɔgɔn sa san-kole anubɛ dugu-kole rɔ! Mɔgɛ minnu bi tagamana ila kilɛ fɛ anu yisi gbɛnɛ la, i ye ila lanyiri latɔnbagayala anu ye ka ila keninteyɛ yira anu na.

2 Mansɛnu 15:19

Asiriya Mansa Pulu tara bui Isirɛla nyamanita-mɔgɛnu ma. Wo le ya a ma, Isirɛla Mansa Mɛnahɛmu ya wodi-gbɛ makele nɔnfulu-tiginu bolo ala nyamanɛ rɔ fɔrɔsɛ la. Nɔnfulu-tigi kelen-kelennamɛ-bɛɛ ya wodi-gbɛ-gbu bi-loli bi-loli labɔ. Mansa Mɛnahɛmu ya wodi-gbɛ min nadɛn, wola gbiliyɛ anubɛ fui-fan bɔrɔ kɛmɛ loli rakɛn de. A ya wo di Mansa Pulu ma alako wo ni sɔ a fɛ. A ya wo ma alako a sɛnbɛ ni koloya Isirɛla mɔgɛnu kuma. Wodi-gbɛ wo ya Mansa Pulu hɛnɛ. A sɛgira a warɛ nyamanɛ rɔ.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 23:29

Mansa Yosaya ye ala mansayɛ la wati min, Iyipiti Mansa Niko nara ala kɛlɛ-dannu na Yufereti bɛ dala Asiriyanu madɛnbɛ tinɛ kɛlɛ rɔ. Ale mansɛ tara kilɛ tɛgɛ tinɛ Iyipiti kɛlɛ-dan wonu ma Magidɔ soe burɔ. Iyipiti mansɛ ya a yen nyɔ min kɛ, a ya a faga. A kunyɛ tora kɛlɛ rɔ nyɔ le.

2 Mansɛnu 25:7

Anu ya ale Mansa Sɛdɛkayala den-keinu faga a nyɛrɛ yakɔrɔ nyɔ. Wo kɔma, Mansa Nɛbukanasa ya a ma, anu ya Mansa Sɛdɛkaya yɛnu bɔ a kolɔn rɔ. Anu ya yɔlɔkɛ kɛ a ma ka ta a la Babilɔn nyamanɛ rɔ.

Ɛsira 4:2

anu nara Sarababulu anubɛ kebila-kunyɛnu bara. Anu ko, “A sɔgɛ ye ma la ka wo dɛnbɛ Bato-Bɔn kɛ sɔla. Wo ye Alla min batola, male fanan bi wo le batola. Kebi Asiriya Mansa Isahadɔn ya ma lana yan tɔ tumɛ min, ma taranta sarakɛnu bɔla wola Alla kɛ le ye.”

Ɛsira 9:13

Hali tɔrɔyɛ min bɛɛ ara sigi ma la ka a tɛgɛ mala hakɛla ko ma, wo ma a bɔ iko a bɛnta, ma ni tɔrɔ nya min. I wara sɔn alako do ni to anu niyi la ma tɛma.

Nihɛmaya 1:5

“E, Mari Alla-makawanɛ min bi san-kole rɔ, i kolo, ado ma ye i gbiliyala. Ma sarata min ma, i ye itɛ wo lakandanna ita mɔgɛnu ye, i di minnu ye, kɔni. Anu si i sako kɛ fanan.

Yaburi 47:2

Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Yaburi 66:5

Wo na, wo ni a yen Alla ara min ma. A ara min kɛ hadama-dannu tɛma, wo makawara.

Bɔ-Koe-Iyipiti 18:8

Mari ya koe min bɛɛsi sigi Iyipiti mansɛ anubɛ ala mɔgɛnu na, Musa ya wo bɛɛsi dantɛgɛlɛ sa a biran-kei wo ye. Anu ya tɔrɔyɛ sɔrɔn nya min kilɛ la, a ya wo rakaran a biran-kei wo ye. Mari ya anu kisi nya min, a ya wo fanan takaran a ye.

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Daniyɛli 9:6

Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Daniyɛli 9:8

E, Mari, mala mansɛnu wo, mala mɔgɔ-banu wo, anubɛ ma benbanu, anu damasi ara hakɛ kɛ ile Mari la ka miliya-koenu ma.

Saraka-Masɔlɛnuta Tɔnnu 26:18

“Hali n bi kɛ dama mala wo la, ni wo ma nna sereyanu natɔnbagaya, n si wo tɔrɔya ka tenbi a fɔlɔtɛ la.

Saraka-Masɔlɛnuta Tɔnnu 26:21

“Hali wo, ni wo ma wo kɛ-nya yɛlɛma n bara la, wo ma sɔn ka nna tɔnnu bira mumɛ, n si wota tɔrɔyɛ lagbɛlɛya ka tenbi a fila nyɔgɛ la.

Saraka-Masɔlɛnuta Tɔnnu 26:24

n si ma wo yoge la. N si n yɛ lamunun wo la ka kɛ wo ma taragba ka a lagbɛlɛya wo kuma gben! N si wo tɔrɔya kɛ rɔ ka tenbi a sawa nyɔgɛ la.

Saraka-Masɔlɛnuta Tɔnnu 26:28

n fonde si bɔ wo kuma ka tenbi a nani nyɔgɛ wo la.

Tɔn-Fɔɛ-Fila-Nyɔgɛ 7:12

“Ni wo ya wo tole masɔ tɔn kɛnu na ka anu bira a kila-bɛrɛbɛrɛ fɛ, wota Mari Alla si ata lanyiri kanbali wo ye worɔ. A si wo keni worɔ tolon, iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 7:13

A si wo keni ka ata duwɛ layigi wo kuma. Wo ni siyaya ka yiri boi! A si ata duwɛ layigi wola nyamanɛ rɔ, wo ni ki-fen-siyaman sɔrɔn. Alla si ata duwɛ layigi wo kuma, wola kolo-fannu si sabati. A si duwɛ kɛnu di wo ma lanyiri-nyamanɛ wo rɔ.

Tɔn-Fɔɛ-Fila-Nyɔgɛ 7:21

Wo ka kilan mɔgɛ kɛnu na mumɛ! Wota Mari Alla ye wo fɛ. Alla-makawanɛ le ale la. A bɛnta mɔgɛ ni kilan a la.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.