Nihɛmaya 9:30 - ALLALA KUMƐ

³⁰ San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Nihɛmaya 9:30 ပူးပေါင်းရင်းမြစ်များ

2 Mansɛnu 18:11

Wo kɔma, Asiriya mansɛ wo tara Isirɛla mɔgɛnu na birɛ rɔ a warɛ nyamanɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

2 Mansɛnu 21:10

Mari ya min fɔ nɛbinu ye, anu ya wo latenbi mɔgɛnu ma. Mari ko,

2 Ko-Kɔrɔta-Karan 24:19

Mari ya nɛbi donu nata anu makawandi tinɛ alako anu ni sɛgi ale Mari ma. Kɔnɔ mɔgɛnu ya anu tole gberen.

Ɛsira 9:10

“E, Alla, male si nfen fɔ kɛ kɔma gbɛ? I ya tɔn minnu fɔ ila nɛbinu ye, ma ara wonu tinya. Nɛbinu ya a fɔ ma ye nun ko ma ye nala sigila nyamanɛ min tɔ, nyamanɛ wo bɛɛ latinyani de! Ko-yogoma-su bɛɛ ye nyɔ.

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Nihɛmaya 9:29

I ya anu makawandi alako anu ni ila tɔnnu bira kɔnɔ anu ya anu kan-kɔ sɔ ila tɔn la, ado anu niyi-sɔrɔn-kunyɛ le tɔn-birɛ la. Anu ya anu ban i bolo pat!

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Aiseya 28:10

Kei kɛ ye ma karanna doni-doninyɛ le ma ka to ma gba kelan raforongbanna.”

Aiseya 42:24

Yon ya Isirɛla nyamanɛ latenbi a kankannɛnu ma? Ale Mari nyɛrɛ-nyɛrɛ le ya wo ma, ma ara hakɛ kɛ min na, kɔni. A sɔgɛ ye a la, ma ni ma nya min, ma ma sɔn wo ma. Ma ma sɔn ala karan-bira-koe ma ma bolo filɛ la.

Aiseya 48:9

A ko a si ala diminyɛ bira-a-rɔ fɔlɔ, alako male, ala mɔgɛnu ni to ale gbiliyala. A ko a ti wo kasara feu! A si ala diminyɛ bira-a-rɔ fɔlɔn.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Yɛrɛmaya 25:4

Hali Mari ye tola ala wɔli-kɛlɛnu nanala wo ma minnu bi nɛbiya-wɔli kɛla, wo ma wo tole masɔ wonu na, ado wo bɔrɔ ma taran wo ye.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 44:4

Mari ko a taranta ala wɔli-kɛla-nɛbinu nanala wo ma ka wo makawandi ko-yogomɛ kɛnu wara-koe ma min gbo a ye ha ka a dan-natenbi.

Yɛrɛmaya 44:5

A ko wo ma wo tole masɔ ka ale Marila kumɛ bira mumɛ! A ko wo ma wo fara wola kisimiriya-bɛsɛ wonu kɔla ka isɛnti mintan anu ye.

Yɛrɛmaya 7:25

A ko kebi wo benbanu bɔra Iyipiti, ale Alla tora ala nɛbinu nanala anu ma le tolon, ata wɔli-kɛlɛnu, kɔni!

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Daniyɛli 9:6

Mala mansɛnu wo, mala mɔgɔ-banu wo, ma benbanu wo, anubɛ mala nyamanita-mɔgɛ bɛɛ, i ya nɛbinu sɔ ka ila kumɛ fɔ ma ye kɔnɔ ma ma ma tole masɔ wo fenfen na.

Sakaraya 7:12

ka wo yisi gbɛlɛya iko kuri bawo a ko ale Mari Sɛnbɛ-Bɛɛ-Tigi ya ala nɛbinu nana ka wo karan min ma ata Niyi baraka rɔ, wo ma sɔn wo bira-koe ma. Woletɔ ale fonde bɔnɛ.

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

Yilan-Yilan Koe 11:26

Kɔnɔ Musata mɔgɔ-ba-yabɔni filɛ, Ɛledadi anubɛ Midadi, wonu ma ta ladɛn wo rɔ. Wonu tora dagɛ rɔ, woletɔ anu foora ladɛn wo la. Kɔnɔ hali wo, Marita Sɛnbɛ tara ka yigi anu kuma dagɛ rɔ nyɔ. Anu fanan ya a dabira ka wɔlɔyiya-kumɛ fɔ mɔgɛnu tɛma.

Kɛwɔlɛnu 13:18

A ya a munyu anu kɔrɔ wula-da-rakolɔn rɔ san bi-nani kɔrɔ.

Kɛwɔlɛnu 28:25

Woletɔ anu wulita bɔla kelen-kelenyɛ ma bawo anu sa kan kelen tɔ. Pɔli ya a fɔ ko, “Allata Ni-Sɛnimɛ ya tonyɛ fɔ ma benbanu ye Nɛbi Aiseya baraka rɔ.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

1 Pita 1:11

Kirasitila Niyi min bi anu tɔ, wo ya wati wola koe fɔ anu ye. Kirasiti si na tɔrɔyɛ minnu sɔrɔn anubɛ gbiliyɛ min si bɔ tɔrɔyɛ wo kɔma, anu ya wo bɛɛ faranfasi. Anu ya anu taya wati wo lɔn-koe ma anubɛ a si na nya min.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.