Nihɛmaya 9:23 - ALLALA KUMƐ

²³ I ya a ma, anu yirita bui, ka siyaya iko lolenu. I ya anu benbanu yili-madiya nyamanɛ minna ko la, anu ya anu yogenu nɔ ka anu sigi wonuta nyamanɛ rɔ.

Nihɛmaya 9:23 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Ko-Dabirɛnu 15:5

Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 17:8

I ye sundanyɛ la Kenan nyamanɛ min tɔ kɛ la, n si wo di wobɛ i bɔnsɔnnu ma ka a ma wotɛ la habadan! N si ma wota Alla la.”

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

1 Ko-Kɔrɔta-Karan 27:23

Minnu sɔrɔn ma ke wɛ san mogan rɔ, Mansa Dawuda ma wonu dan bawo Mari ara lanyiri kiri ko Isirɛla mɔgɛnu si siyaya iko lolenu.

Bɔ-Koe-Iyipiti 1:12

Kɔnɔ anu tara Isirɛla mɔgɛnuna tɔrɔyɛ makofula nya min, Isirɛla mɔgɛnu tora siyayala wo nya na le. Anu warata ha Isirɛla mɔgɛnuna mɔninyɛ ya Iyipiti kɛnu bira.

Tɔn-Fɔɛ-Fila-Nyɔgɛ 28:62

Hali wo siyayara iko lolenu, wo dande kɛndɛ si to bawo wo ma sɔn Allata kuman-kan latɔnbagayala.