Nihɛmaya 9:22 - ALLALA KUMƐ

²² “Anubɛ anu sigi-nyɔgɛ minnu dan-masanɛ, i ya a ma, anu ya wonu nɔ. Anu ya Mansa Saihɔn nɔ min siginɛ Hɛsibɔn soe burɔ. Anu ya Mansa Ɔkuta Basan nyamanɛ nɔ.

Nihɛmaya 9:22 ပူးပေါင်းရင်းမြစ်များ

Yaburi 105:44

A ya sibolo-gbɛrɛnuna dugi di ala mɔgɛnu ma. A ya a ma, anu ya anuna sɛni sa tinɛnu bi anu bolo.

Yaburi 78:65

Kɔnɔ tɔ-a-la, Mari kundenta iko a ye kinɔgɛ le tɔ nun. A manɛ iko kei-ragbɛlɛ wa baan min, wo ye kerinteyala nya min.

Yɛrɛmaya 27:5

a mɔgɔ wo, a sogo wo, a dugu-kolo wo, Mari ko ale le ya wonu nadan a sɛnbɛ-makawanɛ la. A ko mɔgɛ min ba diya ale ye, a ye fan kɛ bɛɛ latenbila wo le ma.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.

Tɔn-Fɔɛ-Fila-Nyɔgɛ 4:47

Musa anubɛ Isirɛla mɔgɛnu bɔɛ Iyipiti nyamanɛ rɔ ka na nyɔ, anu ya mansɛ wonubɛ ala mɔgɛnu nɔ. Anu sigira Mansa Saihɔn anubɛ Mansa Ɔkula nyamanɛnu tɔ. Mansa Ɔku, wotɛ le Basan nyamanɛ la nun. Isirɛla mɔgɛnu ya nyamanɛ min bi tele-bɔɛ wara la,

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

Yasowa 11:23

Yasowa ya nyamanɛ wo bɛɛ bira-a-la iko Mari ya a fɔ Musa ye nya min nun. Yasowa ya nyamanɛ wo bɛɛ ratala Isirɛla kebilɛnu na. Wo kɔma, anu ya anu sulen kɛlɛ-kɛ ma.