Nihɛmaya 9:17 - ALLALA KUMƐ

¹⁷ Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Nihɛmaya 9:17 ပူးပေါင်းရင်းမြစ်များ

1 Mansɛnu 6:13

ado n si to nta Isirɛla mɔgɛnu fɛ. N ti anu boloka muk!”

1 Mansɛnu 8:57

Alamɛ mata Mari kana ma boloka dɛɛ! A ni to ma fɛ iko a tora ma benbanu fɛ nya min.

2 Ko-Kɔrɔta-Karan 36:13

Babilɔn mansɛ ya a ma, a ni a keli Alla tɔgɛ rɔ ko Yuda Mansa Sɛdɛkaya ni to a fɛ. Kɔnɔ ale Mansa Sɛdɛkaya murutiyara Babilɔn Mansa Nɛbukanasa ma. Wo kɔma, a ya a ban bila-koe ma Isirɛlata Mari Alla fɛ.

Ɛsira 9:9

Hali ma ye yɔɔnyɛ rɔ, i ma nyina ma ko. I ya a ma, ma diyara Pasiya mansɛnu ye kɔikɔi! Anu ya ma to ma niyi la ka ma masara alako ma si ke i Bato-Bɔn sɔla nya min, ado Bɔn wo ara tii nun mɛmɛ! I ya a ma, ma sigira Yuda anubɛ Yerusalɛm ma fanbolo fanan.

Nihɛmaya 9:31

Kɔnɔ hali wo, bawo ita kinikinɛ da rakolo, i ma anu boloka. I ma anu nato. E, Alla, ila nyimayɛ anubɛ kinikinɛ da rakolo.”

Yaburi 106:13

Kɔnɔ a ara min bɛɛ kɛ anu ye, anu nyinara wonu ko tiriya! Anu gbaranta anu nyɛrɛ la. Anu ma Allata makawandilɛ makɔni.

Yaburi 106:7

Ma benbanu ma Allata kabana-koenu nya-yen Iyipiti nyamanɛ rɔ. Alla ara ala keninteya-su-siyamɛ minnu yira anu na nun, anu nyinara wonu ko. Anu murutiyara Alla Sɛnbɛ-Bɛɛ-Tigi ma Kɔgɔ-Yi-Wulan dafɛ.

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 78:10

Sarama-kan min bi anubɛ Alla tɛma, anu denu ma anutɛ latɔnbagaya. Anu ya anu ban ata tɔn-bira-koe ma.

Yaburi 78:11

Alla ara kabana-koe min bɛɛsi kɛ anu yala, anu nyinara wonu ko salon!

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Bɔ-Koe-Iyipiti 32:9

Mari ya a fɔ Musa ye tun ko, “N bara mɔgɛ kɛnu yen. Anu tole gbɛlɛ dɔgɔma-ma-de!

Hɛnkilimaya-Kumɛnu 1:24

N bara wo rakele-siyamɛ kɛ kɔnɔ wo sa wo tole masɔla n na. N bɔrɔ sa wo ye.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Saraka-Masɔlɛnuta Tɔnnu 26:44

Hali anu tenbi tɔrɔyɛ rɔ anu yogenu bolo, n ti anu boloka feufeu ka anu nato dogbe! Ni n ya wo ma, lanyiri min bi ma tɛma worɔ, wo ara tinya. Wo tigi le nde, Mari Alla la min si lanyiri latɔnbagaya.

Nehami 1:3

Mari fonde ti bɔ tiriya kɔnɔ a sɛnbɛ makawanɛ, ado a ti sɔn mɔgɔ-yilikinɛ tɔrɔbɛlɛ ni to. Mari wa a tontɛ sɔ kan min, tɔnkɔlɔn le wulila nyɔ. A tontɛ gbangban si yɛlɛma banda-kole la.

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Yilan-Yilan Koe 14:41

Kɔnɔ Musa ya a fɔ anu ye ko, “Nfen ya a to, wole ya Marita kumɛ masɔsɔ?

Yilan-Yilan Koe 16:14

I ma na male la nyamani-nyimɛ rɔ mumɛ! I ma dugu-hakikɛ di ma ma anubɛ ki-fen-hakikɛ. Wo ye ma yɛ lakirila ka ma yanfa. Nba, ma ti na sina worɔ mumɛ!”

Kɛwɔlɛnu 7:39

“Kɔnɔ ma benbanu ma sɔn ala kumɛ birala. Anu ya anu ban a la. Iyipiti sɛgi-sɔgɛ ya anu bira.

Romu 9:15

Alla ya a fɔ Nɛbi Musa ye ko, “N bi a fɛ ka kinikini min ma, n si kinikini wo ma. N bi a fɛ ka hina min na, n si hina wo la.”

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.