Nihɛmaya 9:13 - ALLALA KUMƐ

¹³ I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Nihɛmaya 9:13 ပူးပေါင်းရင်းမြစ်များ

2 Mansɛnu 17:37

N bara tɔn minnu sɛbɛ wo ye, wo ni wonu namara gben! Wo kana bɛsi-wo-bɛsi kɔ.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Yaburi 119:137

Mari, telenbagɛ le ile la, ado ila tɔn bɛɛ latelennɛ.

Yaburi 119:160

Ila tɔn-kole ma fenfen na fɔ tonyɛ. I ye kiti sala telenbagayɛ min na, wo ti ban!

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Bɔ-Koe-Iyipiti 16:23

Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Bɔ-Koe-Iyipiti 20:1

Alla ya a fɔ Musa ye ko a ni a latenbi Isirɛla mɔgɛnu ma ko,

Bɔ-Koe-Iyipiti 20:22

Mari ya a fɔ Musa ye ko, “I ni a fɔ Isirɛla mɔgɛnu ye ko anu bara a yen anu nyɛrɛ yɛ la serr, ko n bara kuma anu ye banda-finyɛ wo rɔ.

Aiseya 64:1

E, Mari, i ni san-kole rafara ka yigi ma tɛma. Kɔnkɛnu ba i yen, anu si yɛrɛyɛrɛn kumakɔɛ bolo.

Aiseya 64:3

Ma ara tɛrɛna koe donu na ile Mari bolo, ma miri sa minnu ma. I yigira tumɛ min, kɔnkɛnu yɛrɛyɛrɛnta kumakɔɛ bolo.

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Romu 7:16

N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta.

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

Tɔn-Fɔɛ-Fila-Nyɔgɛ 4:33

Ha bi, wo ara a lamɔɛn Mari ara kuma mɔgɛ donu na ta-mɛlan rɔ wa, anu kɛndɛ ni to?

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Tɔn-Fɔɛ-Fila-Nyɔgɛ 5:4

Mari kumara wo ye gbɛ rɔ ta-mɛlan rɔ kɔnkɛ kuma nun iko mɔgɛ si kuma a ta-nyɔgɛ ye nya min.