Nihɛmaya 9:12 - ALLALA KUMƐ

¹² I sɔra anu yarɔ tele rɔ iko banda-fin-gbɛ. I sɔra anu yarɔ suyi fanan tɔ iko ta-mɛlan ka waan raka anu yarɔ kilɛ ma.

Nihɛmaya 9:12 ပူးပေါင်းရင်းမြစ်များ

Nihɛmaya 9:19

Kɔnɔ hali wo, i ma anu boloka wula-da-rakolɔn rɔ bawo ila kinikinɛ da rakolo. Ta-mɛlan wo, banda-fin-gbɛ wo, i ma wonu bi anu bolo. I tora kilɛ yirala anu na su-ni-tele.

Yaburi 105:39

Alla ya banda-fin-gbɛ sɔ ala mɔgɛnu kuma ka tɛ sɔ anu yarɔ suyi rɔ alako anu ni kilɛ yen.

Yaburi 107:7

Anu bi tala sigila soe min tɔ, a ya so-ta-kila-telennɛ yira anu na.

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 78:14

Wo kɔma, a ya banda-fin-gbɛ sɔ anu yarɔ tele rɔ. Suyi rɔ, a ya ta-waan sɔ anu yarɔ.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Isikiyɛli 20:6

Wati wo le tɔ, n ya anu bɔ-koe latɛgɛ Iyipiti ka lanyiri kiri anu ye ta-koe la dugu-hakikɛ rɔ, n ya min yabɔ anu ye. Nyamanɛ wo dugi kin dɔgɔma-ma-de! Fan si nanfa a rɔ kubukubu!