Nihɛmaya 9:11 - ALLALA KUMƐ

¹¹ I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Nihɛmaya 9:11 ပူးပေါင်းရင်းမြစ်များ

Yaburi 66:6

A ya kɔgɔ-yi gbala a worɔn la ha ma benbanu banta tenbila. Anu ke yi kɔgɔma, anu sewara dɔgɔma-ma-de bawo Mari ara min kɛ anu ye.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Bɔ-Koe-Iyipiti 14:25

Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Bɔ-Koe-Iyipiti 14:29

Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ.

Yɛrɛmaya 32:20

Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

1 Kɔrɛnti 10:1

N na-kelen-nyɔgɛnu, ma benba minnu bilara Musa fɛ, n bi a fɛ, wo ni wo yili to wonu ko. Banda-fin-gbɛ le ya anu yamatogon ha anu dama kɛndɛ tenbira Kɔgɔ-Yi-Wulan rɔ.

Hiburunu 11:29

Dɛnkɛninyɛ le fɛ, Isirɛla mɔgɛnu ya Kɔgɔ-Yi-Wulan tɛgɛ iko anu bi tagamana dugu-gbalanɛ kuma nya min. Iyipiti kɛnu ya anu taya tumɛ min ko anu denu ni wo ma, anu tora yi rɔ.

Lankɛnimayɛ 18:21

Wo kɔma, melika-sɛnbɛ-tigi ya kuru-belebele-wɛ bi ka a lakɛ kɔgɔ-yi rɔ fɔrɔsɛ la. A ko, “Babilɔn-so-belebele-wɛ la si bui sɛnbɛ la ka le. Wo kɔma, a ti yen tun.