Nihɛmaya 8:7 - ALLALA KUMƐ

^7-8 Wo kɔma, anu ya anu nasɔ. Yɛsuwa wo, Bani wo, Sɛrɛbaya wo, Yamin wo, Akubu wo, Sabɛtayi wo, Hodaya wo, Meyaseya wo, Kɛlaita wo, Asaraya wo, Yosabadi wo, Henan wo, anubɛ Pɛlaya, Lifayi kɛnu denu ya Allata tɔn wonu natenbi mɔgɛnu ma. Wo kɔma, anu ya tɔn wo fɛsɛfɛsɛ anu ye ka a kɔrɛ fɔ anu ye alako anu ni a nya-yen.

Nihɛmaya 8:7 ပူးပေါင်းရင်းမြစ်များ

1 Mansɛnu 8:14

Wo kɔma, ale mansɛ ya a kolan lamunun Isirɛla mɔgɛnu na ka duwa anu ye.

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

2 Ko-Kɔrɔta-Karan 35:3

Lifayi mɔgɛ minnu dantɛgɛnɛ Mari ma nun Isirɛla mɔgɛnu karan-koe la, a ya a fɔ wonu ye ko, “Mansa Dawudala den Mansa Silamɛni ya tɔn-kenkirɛ min nadan nun, wo ni wo bi ka a ladon Mari Bato-Bɔn burɔ. Wo kana to tala a la kan-tina-gbɛrɛkɛnu tɔ. Wo leta wɔli ma fenfen na fɔ ka wɔli wota Mari Alla anubɛ ata Isirɛla mɔgɛnu ye.

Ɛsira 8:18

Kilayɛ wonu ke, anu ya kei kelen don ma bolo mata Alla baraka rɔ min ya ata wɔlɛ lɔn. Wo tɔgɛ le Sɛrɛbaya. Lifayi bɔnsɔn-mɔgɛ le ale la ka bɔ Mehali bɔnsɔn rɔ. Ala den-kei anubɛ a na-kelen-nyɔgɛnu bilara a fɛ. Anu yatɛ bɛnta mɔgɔ tan-ni-segin ma.

Nihɛmaya 10:18

Hodaya wo, Hasum wo, Beseyai wo,

Nihɛmaya 10:2

Kɛ kɔma, a mɔgɔ kurun fɔlɔtɛ min ya anu bole sa mana rɔ saraka-masɔlɛnu tɔ, wonu tɔgɛ le kɛnu na. Sɛraya wo, Asaraya wo, Yɛrɛmaya wo, Pasura wo, Amaraya wo, Malakiya wo, Hatusi wo, Sɛbanaya wo, Maluku wo, Harim wo, Mɛrɛmoti wo, Hɔbadaya wo, Daniyɛli wo, Kenɛtɔn wo, Baruki wo, Mɛsulam wo, Abaya wo, Mayamin wo, Meyaseya wo, Beligeyayi wo, anubɛ Sɛmaya.

Nihɛmaya 11:16

Sabɛtayi anubɛ Yosabadi, wonu denu bi Bato-Bon-kata-burɔ wɔli-kɛlɛnu kun na.

Nihɛmaya 11:19

Bato-Bon-da-makandannɛ minnu nara Yerusalɛm, wonu tɔgɛ le kɛnu na. Akubu anubɛ Talamɔn wonubɛ anu na-kelen-nyɔgɔ mɔgɔ kɛmɛ ani mɔgɔ bi-wɔrɔnfila ani mɔgɔ fila (172) le nara sigi Yerusalɛm.

Nihɛmaya 12:33

Wo kɔma, Asaraya wo, Ɛsira wo, Mɛsulam wo,

Nihɛmaya 3:17

Tarɛ min tugunnɛ doi kɛ la, Lifayi minnu ya wo sɔ, wonu tɔgɛ le kɛnu na. Banila den Rihum, wo le ya nyɔ-tatugunnɛ sɔ. Hasabaya min bi Kiyaila tɛngbɛnya do kun na, wo le ya nyɔ-tatugunnɛ sɔ ala mɔgɛnu tɔgɔ rɔ.

Nihɛmaya 3:19

Yɛsuwala den Ɛsɛri min bi Misipa so-kun-tigiyɛ la, wo le ya nyɔ-tatugunnɛ sɔ ka a dabira kɛlɛ-mirannu namara tinɛ ma ha tarɛ wo radu tinɛ a tonke ma.

Nihɛmaya 3:23

Bɛnyamɛ anubɛ Hasubu, wonu denu ya nyɔ-tatugunnɛ sɔ, anuna bon-telentɛ, kɔni. Meyaseyala den Asaraya, Ananaya mamanɛ, kɔni, wo le ya ata bon-telentɛ sɔ.

Nihɛmaya 8:12

Wo kɔma, mɔgɛ bɛɛ tara a warɛ bɔn la ka anu nyɛrɛ ladiya sewɛ rɔ. Anu hinara donu na bawo kumɛ minnu sɛbɛnɛ tɔn-buku rɔ, anu bara wo kɔrɛ lɔn.

Nihɛmaya 8:4

Ɛsira sɔra bɛndɛ kuma. Wo ladanta wulɔn tele lela ko la. Mɔgɔ wɔrɛ minnu sɔra a bolo-nyimɛ wara la bɛndɛ wo kuma, wonu tɔgɛ le kɛnu na, Matetaya wo, Sɛma wo, Anaya wo, Yuraya wo, Helikaya wo, anubɛ Meyaseya. Mɔgɔ wɔrɔnfilɛ minnu sɔra a bolo-maran wara la bɛndɛ wo kuma, wonu fanan tɔgɛ le kɛnu na, Pɛdaya wo, Misiyɛli wo, Malakiya wo, Hasum wo, Hasibadena wo, Sakaraya wo, anubɛ Mɛsulam.

Nihɛmaya 8:6

Ɛsira ko, “Mari tanto, Alla-makawanɛ, kɔni.” Mɔgɛ bɛɛ ya a bole layɛlɛ san ma. Anu ko, “Yo!” Wo kɔma, anu dama ya anu maburun dugi ma ka Alla bato.

Nihɛmaya 9:3

Hawa sawa, Lifayinu bi anuta Mari Allata tɔn-buku karanna anu ye. A nyɔgɔn hawa sawa fanan, Isirɛla mɔgɛnu bi anu sɔla anu hakɛ la ka anuta Mari Alla bato.

Nihɛmaya 9:4

Bɛndɛ do sɔnɛ Lifayinu ye nyɔ. Yɛsuwa wo, Bani wo, Kadamiyɛli wo, Sɛbanaya wo, Buni wo, Sɛrɛbaya wo, Bani wo, Kɛnenayi wo, wonu denu yɛlɛta bɛndɛ wo kuma. Anu ya anu kuli mayɛlɛ anuta Mari Alla matara tinɛ.

Saraka-Masɔlɛnuta Tɔnnu 10:11

Fɔ wo ni Isirɛla mɔgɛnu karan tɔn kɛnu damasi la n ya min di i dɔgɛ Musa ma ka a di ile Aruna ma.”

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Tɔn-Fɔɛ-Fila-Nyɔgɛ 33:10

Anu si Isirɛla mɔgɛnu karan tɔn-bira-koe ma ka anuna sarakɛnu masɔ anu ye ile Marita saraka-mintan-tinɛ kuma.