Nihɛmaya 8:6 - ALLALA KUMƐ

⁶ Ɛsira ko, “Mari tanto, Alla-makawanɛ, kɔni.” Mɔgɛ bɛɛ ya a bole layɛlɛ san ma. Anu ko, “Yo!” Wo kɔma, anu dama ya anu maburun dugi ma ka Alla bato.

Nihɛmaya 8:6 ပူးပေါင်းရင်းမြစ်များ

Ko-Dabirɛnu 14:22

Kɔnɔ Burama ya a fɔ Sɔdɔm so-tigi wo ye ko, “Fɔ kɛlɛ-dannu ya minnu dɔn kilɛ la, n kan sa wonu ma. Wo kɔma, i ni n diyana-mɔgɛnutɛ bɔ nɔnfuli la minnu tara n fɛ kɛlɛ rɔ, Mamire anubɛ Aneri anubɛ Esikoli, kɔni. Kɔnɔ n bara lanyiri kiri Mari Alla ye min bi fan bɛɛ kun na, min ya san-kole anubɛ dugu-kole dan ko ile so-tigitɛ ye fan minnu na, hali wo sanbara-yili anubɛ yesekara-kolo kelan, n ti wonu bi i bolo. N bi wo tɛgɛla min ma, alako i kana a fɔ n kɔma ko i wara nde ma nɔnfulu-tigi la.”

Ko-Dabirɛnu 24:26

Kei wo ya a madu ka Mari bato.

1 Ko-Kɔrɔta-Karan 16:36

Tantolɛ ni di Isirɛlata Mari Alla ma ka to a tantola burubukai! Wo kɔma, mɔgɔ damasi ko, “Amina.” Anu ya Mari tanto!

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

2 Ko-Kɔrɔta-Karan 20:18

Mansa Yɛhosafati ya a maburun dugi ma. Wo kɔma, ala mɔgɛ bɛɛ ya anu maburun dugi ma Mari bato tinɛ.

2 Ko-Kɔrɔta-Karan 29:10

“N bara ban a latɛgɛla ko mabɛ Isirɛlata Mari Alla ni sarama-kan kiri ma nyɔgɔn tɛma alako a fondo-bɔnɛ kana to ma kuma tolon!

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

2 Ko-Kɔrɔta-Karan 6:4

A ko, “Gbiliyɛ ni di Isirɛlata Mari Alla ma bawo a ya lanyiri min kiri n fa Mansa Dawuda ye, a ara wo latɔnbagaya. Bawo a ya a fɔ n fa ye nun ko

Nihɛmaya 5:13

N ya n butɛ-kiri-fan ragbɔngbɔn. N ya a fɔ anu ye ko, “Ni min ma kumɛ kɛ latɔnbagaya, Alla ye wo tigi fanan tagbɔn-gbɔnna ka le. Alla si wo tigila bɔn anubɛ a bolo-fan mumɛ bɛɛ toronde a la ka a to sigini gboka!” Min bɛɛ taranta nyɔ rɔ wonu ko, “Amina!” Wo kɔma, wonu ya Alla tanto. Anu damasi ya anu kan wo latɔnbagaya.

Nihɛmaya 8:7

Wo kɔma, anu ya anu nasɔ. Yɛsuwa wo, Bani wo, Sɛrɛbaya wo, Yamin wo, Akubu wo, Sabɛtayi wo, Hodaya wo, Meyaseya wo, Kɛlaita wo, Asaraya wo, Yosabadi wo, Henan wo, anubɛ Pɛlaya, Lifayi kɛnu denu ya Allata tɔn wonu natenbi mɔgɛnu ma. Wo kɔma, anu ya tɔn wo fɛsɛfɛsɛ anu ye ka a kɔrɛ fɔ anu ye alako anu ni a nya-yen.

Yaburi 134:2

Wo tenbi madiyalɛ kun na, wo ni wo bole sigi Alla ye kan-tina-sɛnimɛ telen tɔ a matɔgɔ tinɛ.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 28:2

N tenbi dila i dala n dɛnbɛn-koe rɔ, i ni a lamɔɛn. N ba n bole rasagan san ma i madiya tinɛ ita Bato-Bon-sɛnimɛ wara la, i ni nna madiyali-kan lamɔɛn.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 63:4

Fananta n bi n niyi la, n bi i tantola dɛɛ! N si n bole sigi i ye madiyali-kɛ tinɛ.

Yaburi 95:3

Mari-makawanɛ le mata Alla la. Ata mansayɛ makawara ka tenbi mɔgɛnu bi minnu kɔla.

Bɔ-Koe-Iyipiti 12:27

wo ni a fɔ anu ye wo rɔ ko, ‘Wo tumɛ ma ye Iyipiti nyamanɛ rɔ, Mari ya Iyipiti kɛnu halaki kɔnɔ a ya male lakanan nyamanɛ wo rɔ. Woletɔ ma ye Kanan-Ko-Ladiyɛ kɛ kɛla san-bo-san ka sarakɛ bɔ mata Mari Alla ye.’ ” Mɔgɛnu ya anu madu dugi ma ka madiyali kɛ.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Yɛrɛmaya 28:6

N ko, “Sobore! Alamɛ Mari ya wo ma. Alamɛ ila wɔlɔyiya-kumɛ mara tonyɛ la. Alamɛ Mari sɛgira Bato-Bon-miran bɛɛ la anu gbɛ rɔ tun. Alamɛ a sɛgira mɔgɔ-birani-kɔrɛnu na anu barɛnu tɔ.

Nimisa Koe 3:41

Alla min bi san ma, ma ni a madiya ma yisi bɛɛ la ka a fɔ a ye ko,

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Matiyu 26:39

A ya a masɛgi doni. A ya a laburun-a-ma dugi ma ka Alla madiya ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

1 Kɔrɛnti 14:16

I wa baraka bira Alla ye i sɔndɔmɛ la ladɛn kuma, minnu ma kan wo lɔn, wonu si a fɔ kama ko, “Amina?” I ye min fɔla, anu ma wo lɔn.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

Lankɛnimayɛ 7:11

Melika bɛɛ sɔra mansaya-sigi-fan anubɛ kɛmɔgɛnu anubɛ dali-fen nanɛla foolɛ rɔ. Wo kɔma, anu ya anu naburun-a-ma mansaya-sigi-fan yakɔrɔ Alla bato tinɛ.