Nihɛmaya 8:3 - ALLALA KUMƐ

³ Ka a bi sɔgɔmɛ ma ha tele latelan, Ɛsira ye a rakaranna anu ye nyɔ. Anu dama ya anu tole masɔ a kin na!

Nihɛmaya 8:3 ပူးပေါင်းရင်းမြစ်များ

Nihɛmaya 10:29

ka ma keli. Mabɛ mala mɔgɔ-banu, ma ko Alla ya tɔn minnu di ata wɔli-kɛla Nɛbi Musa ma, ma si wo bɛɛ bira, ado ni min ya kɛ do tinya, wo tigi ye dankɛ kɔrɔ. Mata Mari ara kumɛ min bɛɛsi fɔ ma ye, ma si wo bɛɛ bira ka a latɔnbagaya. Ko-dande wo le kɛnu na.

Nihɛmaya 13:1

Anu ya Nɛbi Musata tɔnnu karan bɛɛ yala lunyɛ min, anu kera kan tinɛ wo ma min bi a fɔla ko Amonnu anubɛ Mohabu mɔgɛnu, a ma bɛn, anu ni kofu Allata mɔgɛnu ma.

Nihɛmaya 8:1

Karɛ wɔrɔ tenbinɛ, a wɔrɔnfila nyɔgɛ ma, wo ya a taran, Isirɛla mɔgɛ bɛɛ ara anu sigi-bole rabɛn anuna soenu tɔ. Karɛ wo tele fɔlɛ ma, tarɛ don-dɛ min tɔgɛ ko Yi, mɔgɛnu ya anu nadɛn wo lu-kole ma Yerusalɛm soe burɔ. Alla ya tɔn min di Nɛbi Musa ma, anu ya Saraka-Masɔla Ɛsira manyinika ko a ni ta tɔn-buku wo bi bawo a ya tɔn wonu kɔrɛ lɔn a nya ma.

Nihɛmaya 8:18

Ka a bi ladɛn wo tele fɔlɔtɛ ma, ha a tele laban, tele-wo-tele, anu si do karan Allata tɔn-buku wo rɔ. Tele wɔrɔnfila dɛgɛdɛgɛ, anu bi ladɛn wo kun na. A tele segin nyɔgɛ ma, anu ya ladɛn naban kɛ iko tɔn ya a fɔ nya min.

Nihɛmaya 8:4

Ɛsira sɔra bɛndɛ kuma. Wo ladanta wulɔn tele lela ko la. Mɔgɔ wɔrɛ minnu sɔra a bolo-nyimɛ wara la bɛndɛ wo kuma, wonu tɔgɛ le kɛnu na, Matetaya wo, Sɛma wo, Anaya wo, Yuraya wo, Helikaya wo, anubɛ Meyaseya. Mɔgɔ wɔrɔnfilɛ minnu sɔra a bolo-maran wara la bɛndɛ wo kuma, wonu fanan tɔgɛ le kɛnu na, Pɛdaya wo, Misiyɛli wo, Malakiya wo, Hasum wo, Hasibadena wo, Sakaraya wo, anubɛ Mɛsulam.

Nihɛmaya 8:5

Ɛsira sɔnɛ san ma nyɔ wati min, bɛɛ yɛ bɛnnɛ a ma nyɔ. A ya tɔn-buku laka wati min, bɛɛ ya a lasɔ nya-kun-kelen.

Maraka 12:37

Mansa Dawuda nyɛrɛ ya a kele ko, ‘Mari.’ Nba, ni Mansa Dawuda ya a kele ko, ‘Mari,’ Allata-Mɔgɔ-Yabɔnɛ si bɔ Mansa Dawuda bɔnsɔn rɔ kama worɔ?” Yisala karan ya a diya don nyama-belebele wo rɔ.

Luka 19:48

Kɔnɔ anu si a faga nya min, anu ma wo lɔn bawo mɔgɛ bɛɛ tora anu tole masɔla a la. A ma di anu ye, hali ala kuma kelen ni tenbi anu tole la.

Luka 8:18

“Wo ni a ma wo fɛrɛma worɔ ko-lamɔɛn tinɛ. Bawo fen bi min bolo, Alla si do sa wo kuma. Kɔnɔ fen-kɛndɛ sa min bolo, a yili ye fen-nɛ min ma, Alla si wo bɔ a bolo.”

Kɛwɔlɛnu 13:15

Dina-bon-kun-tiginu banta Musata tɔn anubɛ nɛbinuta buku karanna tumɛ min, anu ya Pɔli anubɛ Banabasi manyinika. Anu ko, “Ma na-kelen-nyɔgɛnu, ni kumɛ do ye wo bolo min si ma dɛnbɛ, wo ni wo fɔ ma ye.”

Kɛwɔlɛnu 13:27

Yerusalɛm kɛnu anubɛ nyɔ-kun-tiginu, anu ma Yisa lɔn anu kisilɛ la. Hali nɛbinuna kumɛnu, anu bi minnu karanna Sulen-Tele bɛɛ ma, anu ma wonu nya-yen. Woletɔ anu ya Yisa yiliki min kɛ, wo ya a ma, nɛbinuna kumɛnu bɔra-a-la.

Kɛwɔlɛnu 15:21

Alla ya tɔn min di Musa ma, ma ara wo karan mala dina-bɔnnu na Sulen-Tele bɛɛ kebi fɔlɔ, ado anu si ala kumɛ wo lake soe bɛɛ rɔ.”

Kɛwɔlɛnu 16:14

Kelen bi anu tɔ min ya mala kumɛ lamɔɛn, a tɔgɛ Lidiya. A nara ka bɔ Tayataira soe burɔ. Kura-bilolamɛ yila le, ado kurɛ wo dɛ gbɛlɛ. Ma Mari-Alla-batolɛ le musi wo la. Mari ya a yisi laka alako a ni a tole masɔ Pɔlita kumɛ la.

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Kɛwɔlɛnu 20:11

Wo kɔma, a sɛgira san-bɔn la tun Marita kima dɔn tinɛ. Pɔli mɛra kumala anu na ha banda-ka-dɛ ma. Wo kɔma, a tara.

Kɛwɔlɛnu 20:7

Sinbiri wurɛ la, ma ya ladɛn kɛ ka Marita kima dɔn ma nyɔgɔn fɛ. Pɔli kumara mɔgɛnu na. Nba, a tora kumala ha suyi tɛma bawo wo banda kɛ, a ye bɔla anu fɛ ka ta.

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Tɔn-Fɔɛ-Fila-Nyɔgɛ 31:9

Musa ya Marita tɔn bɛɛ sɛbɛ ka a don kun-tiginu anubɛ saraka-masɔlɛnu bolo. Wonu denu bi Marita tɔn-kenkirɛ kun na.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

Yasowa 8:35

Yasowa ya tɔn wo bɛɛ karan min sɛbɛnɛ Musa bolo mɔgɛ bɛɛ yala, hali musinu anubɛ dennɛnu anubɛ anuna sundan minnu bi anu tɛma.

Lankɛnimayɛ 2:29

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’

Lankɛnimayɛ 3:22

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’ ”