Nihɛmaya 7:72 - ALLALA KUMƐ

⁷² Mɔgɔ-toenu ya min bɔ, wo le, sɛnɛ minna gbiliyɛ anubɛ yi kalɔn mogan-ni-segin rakɛn. Anu ya wodi-gbɛ min nyɔgɔn bɔ, wola gbiliyɛ gbɛrɛnta yi-durɔmu loli ma. Wo kɔma, anu ya saraka-masɔ-duruku bi-wɔrɔ ani wɔrɔnfila bɔ.

Nihɛmaya 7:72 ပူးပေါင်းရင်းမြစ်များ

2 Mansɛnu 22:14

Nɛbi-musi do siginɛ Yerusalɛm kan-tina-kurɛ do rɔ, a tɔgɛ Hulada. Nɛbi-musi kɛla kei le Tekefala den Salumu na. Salumu wo benba tɔgɛ le Harahasi. Bato-Bɔn wo durukinu namaralɛ le ale Salumu na. Koe min bɛɛ mara, anu ya wo rakaran nɛbi-musi wo ye.

Ɛsira 3:1

Anu sɛgira san min na, wo karɛ wɔrɔnfila nyɔgɛ ya a taran, Isirɛla mɔgɛnu bara ban anu sigi-bole rabɛnna. Wo kɔma, Isirɛla mɔgɛ bɛɛ ya anu kundɛn Yerusalɛm soe burɔ.

Nihɛmaya 10:28

Male Isirɛla mɔgɛ bɛɛ ara sɔn ko-dande ma. A saraka-masɔla wo, a Lifayi wo, a Bato-Bon-makandanna wo, a Bato-Bon-sigi-sala wo, a Bato-Bonna-wɔlila wo, a mɔgɛ toenu wo, ma dama ara Allala tɔn bira ka a tɛgɛ ma basan-koe la sibolo-gbɛrɛnu na. Ma ara ma fara anu na. Male keinu wo, anubɛ mala musinu, anubɛ mala dannu min bara anu hɛnkili sɔrɔn, ma damasi ara kun kan kelen ma

Nihɛmaya 7:71

Kebila-kunyɛ donu ya min bɔ wɔlɛ wola ko la, wo le, sɛnɛ minna gbiliyɛ anubɛ yi-kalɔn mogan-ni-segin rakɛn. Anu ya wodi-gbɛ min bɔ, wola gbiliyɛ anubɛ yi-durɔmu loli ani a talɛ rakɛn.

Nihɛmaya 7:73

A saraka-masɔla wo, a Lifayi wo, a Bato Bon makandanna wo, a sigi-sala wo, a Bato-Bonna-wɔlila wo, a mɔgɔ-gbɛrɛ wo, a Isirɛla mɔgɛ toenu wo, a bɛɛ tara ata so rɔ Yuda nyamanɛ rɔ.