Nihɛmaya 7:70 - ALLALA KUMƐ

⁷⁰ Mɔgɛnu ya fen-koloma-siyaman bɔ anu hɛnikɛ la alako ma ni ke Bato-Bɔn sɔla tun. Yerusalɛm kun-tigi ya min bɔ, wo le, sɛnɛ minna gbiliyɛ anubɛ yi-kalɔn kelen anubɛ a talɛ rakɛn. Wo kɔma, a ya ku-musu bi-loli labɔ anubɛ saraka-masɔ-duruku kɛmɛ loli ani duruku bi-sawa.

Nihɛmaya 7:70 ပူးပေါင်းရင်းမြစ်များ

1 Mansɛnu 7:45

Wo kɔma, a ya dagɛnu anubɛ bugura-makɔ-fannu anubɛ yi-bi-miran-mɛsɛ donu nadan. Huram ya miran min bɛɛ ladan Mansa Silamɛni ye Mari Bato-Bɔnla ko la, wo bɛɛ ladannɛ silɛɛ le tɔ. Wo bɛɛ manunkunɛ pinapina!

1 Ko-Kɔrɔta-Karan 28:17

Sɛnɛ-hakikɛ min nyɔgɔn yatɛ si bɛn Bato-Bon-miran-mɛsɛ-yirika ma, a ya wonu yira a la. A sogo-sɔgɔ-fen wo, a ku-musu wo, a yi-lafa wo, a pileti wo, kɛnu nadannɛ sɛnɛ wo le tɔ. Wodi-gbɛ ye pileti wonu fanan ma.

2 Ko-Kɔrɔta-Karan 4:11

Huram ya dagɛnu nadan anubɛ bugura-makɔ-fannu anubɛ miran-mɛsɛnu. Ale Huram kɛ ya Mansa Silamɛni yili-madiya Bato-Bon-miran min bɛɛsi ladan-koe la, a ya wo damasi ladan, a sɛnbɛrɛn-kɔn filɛ wo, sɛnbɛrɛn-kɔn wonu kun-tɛma-soro filɛ wo minnu nakuru-kurunnɛ iko yi-sigi-kunan wo, yɔlɔkɛ minnu bi kun-tɛma-soro filɛ wonu ma wo, pamakaranila muninya kɛmɛ nanɛ minnu gbaranda fila-filɛ dunnɛ kun-tɛma-sore wonu na wo, tebulu tan wo, yi-sigi-kunan tan wo, yi-sigi-kunan-kinama-wɛ wo, tura tan-ni-filɛla muninyɛ minnu siginɛ yi-sigi-kunan kelan wo kɔrɔ wo, dagɛ wonu wo, bugura-makɔ-fannu wo, anubɛ sogo-sɔgɔ-fannu. Boloma-wɔli-kɛlɛ Huram ya miran kɛ damasi ladan silɛɛ la min manunkunɛ ye a bolo pinapina! A ya kɛ damasi ladan Mari Bato-Bɔnla ko la iko Mansa Silamɛni ya a fɔ nya min.

Nihɛmaya 10:1

Mɔgɔ fɔlɔtɛ min ya a bole sa mana kɛ rɔ, wo le mala kun-tigi Nihɛmaya la, Hakalayala dan, kɔni. Wo kɔma, Sɛdɛkaya ya a bole sa mana rɔ.

Nihɛmaya 7:65

Yahudiyanuna kun-tigi ma sɔn anu ni saraka-masɔ-niyi dɔn. Anu ti a sɔrɔn fɔ saraka-masɔlɛ min ya Alla-sako-lɔn-fan lawɔli-nya lɔn, wo wa bɔ gbɛ rɔ tumɛ min. Fen filɛ wonu tɔgɛ Yurim anubɛ Tumin.

Nihɛmaya 7:69

Anu tara nyomɛ minnu na anu bolo, wonu yatɛ bɛnta kɛmɛ nani, bi-sawa ani loli (435) ma. Anu tara sofɛlɛ minnu na, wonu yatɛ bɛnta waga wɔrɔ, kɛmɛ wɔrɔnfila ani mogan (6,720) ma.

Nihɛmaya 7:71

Kebila-kunyɛ donu ya min bɔ wɔlɛ wola ko la, wo le, sɛnɛ minna gbiliyɛ anubɛ yi-kalɔn mogan-ni-segin rakɛn. Anu ya wodi-gbɛ min bɔ, wola gbiliyɛ anubɛ yi-durɔmu loli ani a talɛ rakɛn.

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Bɔ-Koe-Iyipiti 12:22

Kɔlɔma min tɔgɛ hisɔpu, wo ni wo bolɔn donu bi. Wo ya kolo-fen-yele minnu kɛ mirannu tɔ, wo ni hisɔpu bolɔn wonu bi ka anu nayigi yele wo rɔ ka a susa bonda-dɛ tɔnkɔn filɛ ma anubɛ dɛ kumɛ. Mɔgɔ-wo-mɔgɔ kana bɔ bɔn la ha sɔgɔma.

Bɔ-Koe-Iyipiti 24:6

Musa ya sarakɛ wo yele fara sigi tina fila la. A ya sigi tina kelan bi ka wo kɛ mirannu tɔ ka doi bi ka a labɔn saraka-mintan-tinɛ wo ma.

Yɛrɛmaya 52:19

Miran minnu nadannɛ sɛnɛ anubɛ wodi-gbɛ la, a yi-kɛ-fen wo, a ta-kɔ-miran wo, a yele-purupuru-miran wo, a bugura-makɔ-fen wo, a lɛnpu-sigi-fen wo, a isɛnti-mintan-fen wo, a yi-lafɛnu, anu tara wonu fanan na.