Nihɛmaya 7:4 - ALLALA KUMƐ

⁴ Yerusalɛm soe kolo kɔnɔ mɔgɛnu ma siya a rɔ, ado ma ma bon-siyaman sɔ wɛ.

Nihɛmaya 7:4 ပူးပေါင်းရင်းမြစ်များ

Nihɛmaya 11:1

Kun-tiginu sigira Yerusalɛm soe burɔ, Allata so-sɛnimɛ, kɔni. Mɔgɔ-toenu ya korɔn lakɛ ka a tɛgɛ anu sigi-koe ma Yerusalɛm soe burɔ. Denbaya-tigi tan wa korɔn lakɛ, a si diya denbaya-tigi kelen de la. Wonubɛ ala denbayɛ ni ta anu sigi Yerusalɛm soe burɔ. A to kɔnɔntɛ, wonubɛ anuna denbayɛnu si ta sigi so-nɛnu tɔ.

Nihɛmaya 11:2

Ni min ya a nyɛrɛ bɔ ka ta sigi Yerusalɛm soe burɔ, mɔgɛnu si wo tigi matɔgɔ.

Nihɛmaya 7:3

N ya a fɔ mɔgɔ filɛ kɛnu ye ko anu kana Yerusalɛm tarɛ don-dɛnu naka fɔ sun-tele wa kɔgɔ. Yanni da-makandannɛnu ni anu boloka tele-kolo-wulan, anu ni don-dɛnu tasɔgɔ. Wo kɔma, n ya a fɔ anu ye fanan ko anu ni kɛlɛ-dannu yabɔ Yerusalɛm kɛnu tɔ. N ya kandanni-kɛlɛ wonu sɔ-tinɛnu yira anu na. Donu si to sɔni kan-tina-kelen. Donu si to tagamana anuna bɔnnu dafɛ.

Nihɛmaya 7:5

Nta Alla le ya a sa n yisi rɔ ko a kun-tigi wo, a mɔgɔ-ba wo, anubɛ a mɔgɛ toenu wo, ko n ni anu nadɛn ka anu tɔgɛ sɛbɛ iko anuna kebilɛ ye nya min. Mɔgɔ-birani-kɔrɛ minnu fɔlɔn nara, n ya wonu bakurinu sɛbɛnɛ yen. N ya min sɛbɛnɛ yen a rɔ, wo le kɛ la.

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.