Nihɛmaya 7:2 - ALLALA KUMƐ

² N na-kelen-nyɔgɛ Hanani wo, anubɛ Kɛlɛ-Den-Kunya Hananaya min bi kan-tina-latankanɛ kuma, nde le wara wonu to Yerusalɛm soe kun na gbɛ! Hananaya kɛ, lanaya-mɔgɛ le, ado a si Alla gbiliya ka tenbi mɔgɛ bɛɛ la.

Nihɛmaya 7:2 ပူးပေါင်းရင်းမြစ်များ

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

Nihɛmaya 1:2

N na-kelen-nyɔgɛ min tɔgɛ Hanani, wonubɛ a ta-nyɔgɛ donu nara ka bɔ Yuda nyamanɛ rɔ. N ya anu manyinika Yerusalɛm soela ko ma anubɛ ma ta-nyɔgɛ Yahudiya mɔgɔ-birani-kɔrɛ minnu bara bɔ yan ka ta nyɔ.

Nihɛmaya 10:23

Hoseya wo, Hananaya wo, Hasubu wo,

Nihɛmaya 13:13

N ya minnu ma fen-namara-tina-kunyɛnu na, wonu tɔgɛ le kɛnu na. Saraka-Masɔla Sɛlimaya wo, kɛdi sɛbɛla Sedoki wo, anubɛ Pɛdaya-Lifayi. Sakarala den Henan, Matanaya mamanɛ, kɔni, anu kan-kɔrɔ-sigilɛ le wo la, ado minnu bi dɔn-fan ratalala anu ta-nyɔgɛnu na, n lara wonu na ken!

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Nihɛmaya 7:3

N ya a fɔ mɔgɔ filɛ kɛnu ye ko anu kana Yerusalɛm tarɛ don-dɛnu naka fɔ sun-tele wa kɔgɔ. Yanni da-makandannɛnu ni anu boloka tele-kolo-wulan, anu ni don-dɛnu tasɔgɔ. Wo kɔma, n ya a fɔ anu ye fanan ko anu ni kɛlɛ-dannu yabɔ Yerusalɛm kɛnu tɔ. N ya kandanni-kɛlɛ wonu sɔ-tinɛnu yira anu na. Donu si to sɔni kan-tina-kelen. Donu si to tagamana anuna bɔnnu dafɛ.

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yaburi 101:6

Minnu telennɛ Alla ye, wonu di n ye. Wonu ni sigi n barɛ bolɔn la. Mɔgɔ-lasɔlɔnnɛnu si wɔli n ye.

Bɔ-Koe-Iyipiti 18:21

Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Daniyɛli 6:4

Daniyɛli wɔli-kɛ-nyɔgɛnu anubɛ nyamanita-mɔgɔ-banu ya anu taya ka fɛɛ sa Daniyɛlila wɔlɛ la kɔnɔ anu ma ke a nɔla. Mɔgɔ-latelennɛ le Daniyɛli la, ado a ti sɔn ko-radunɛ ma.

Yilan-Yilan Koe 12:7

Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

Matiyu 24:45

“Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi ara a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

1 Kɔrɛnti 4:2

ado fan kerifanɛ min na, a bɛnta, wo ni lanayɛ kɛ a tigi ye.

2 Timoti 2:2

I ya nta makawandili-kumɛnu namɔɛn sereya-siyaman yala nun. I ni wonu bi ka anu kerifa lanaya-mɔgɛnu na minnu si ke donu karanna fanan.