Nihɛmaya 7:1 - ALLALA KUMƐ

¹ Kɛ wati ya a taran, ma ara ban tarɛ ladanna ka a dɛnu sigi tala. Bato-Bon-makandannɛnu wo, a sigi-salɛnu wo, a Lifayi-toenu wo, wo bɛɛ ye ata wɔlɛ kun na.

Nihɛmaya 7:1 ပူးပေါင်းရင်းမြစ်များ

2 Mansɛnu 7:10

Anu bɔra nyɔ ka sɛgi Samariya. Anu ke soe tarɛ-don-dɛ ma, anu ya anu kan nakɛ tara-kandannɛnu ma. Anu ya a fɔ wonu ye ko, “Ma bɔ-san le Siriyanuna dagɛ rɔ. Ma ma mɔgɛ yen nyɔ, ado ma ma mɔgɔ kan namɔɛn nyɔ. Anuna soeenu anubɛ anuna sofɛlɛnu, anu ma wonu denu fan fulen. Anuna fani-bɔnnu bi anu gbɛ rɔ yiri, iko anu ya anu to nya min.”

2 Ko-Kɔrɔta-Karan 31:2

Mansa Hɛsakaya ya saraka-masɔlɛnu anubɛ Lifayinu fara iko anuna wɔlɛnu bi nya min nun. Donu bi saraka-mintan-ko-wɔlɛ la. Donu bi yisi-kima-saraka-ko-wɔlɛ la. Donu bi nyɔ ka anu sɔ ladɛn wo yakɔrɔ. Donu bi matɔgɔlɛ kun na Bato-Bɔn wo tɔnkɔn donu tɔ.

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Nihɛmaya 10:39

A fui-fen wo, a minni-fen wo, a tuli wo, Isirɛla mɔgɛnu anubɛ Lifayinu si wonu namara Bato-Bon-konko do la Bato-Bon-mirannu maranɛ kan min. Bato-Bon-makandannɛnu anubɛ saraka-masɔlɛnu bi wɔlila nyɔ le, ado Bato-Bon-sigi-salɛnu si ki nyɔ le fanan. Ma ti nyina mata Alla Bato-Bɔn ko mumɛ!

Nihɛmaya 11:3

Mɔgɔ-toe bɛɛ sigira a benba soe burɔ Yuda nyamanɛ rɔ. Wo kɔma, saraka-masɔlɛ donu wo, anubɛ Lifayi donu wo, anubɛ Bato-Bonna-wɔli-kɛlɛ donu wo, anubɛ Silamɛnita yɔɔn bɔnsɔn wo, wonu sigira anu benba soenu tɔ Yuda nyamanɛ rɔ. Kebila-kunyɛ minnu bɔra Yuda ka ta sigi Yerusalɛm, wonu tɔgɛ le kɛnu na.

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 6:1

Sanbalati wo, Tobaya wo, Kesɛm wo, anubɛ ma yogo-toenu ya a lamɔɛn ko tarɛ la ara bila a nyɔgɔn ma, ado a la ara ban, fɔ a don-dɛ minnu na ma ban togonna wɛ.

Nihɛmaya 6:15

Karɛ min tɔgɛ Eluli, wo tele mogan-ni-lolɛ ma, ma ya tara-ko-wɔlɛ ban. Ma ya tele bi-loli ani tele fila le bɔ a wɔlɛ rɔ.

Nihɛmaya 6:19

Min sanɛ wo kuma, hali Tobaya kɔma kilɛ la, mɔgɛnu si a matɔgɔ n ya la. Nde ya kuma-wo-kuma fɔ, anu si ta wo rakaran ale Tobaya ye fanan. Tuma-wo-tuma, ale Tobaya si to kɛdi sɛbɛla n ma alako a ni n makilan.