Nihɛmaya 6:9 - ALLALA KUMƐ

⁹ N ya a yen ko anu bi ma rakilan-koe le tɔ alako ma kana na wɔlɛ kɛ kɛ. N ya Alla matara ko, “Alamɛ n sɛnbɛ makofura.”

Nihɛmaya 6:9 ပူးပေါင်းရင်းမြစ်များ

2 Ko-Kɔrɔta-Karan 15:7

Kɔnɔ wo ni wo yisi gbɛlɛya ka wo kerinteya. Wo ya ko-nyima wo ko-nyima ma, wo si wo tɔnɛ sɔrɔn.”

2 Ko-Kɔrɔta-Karan 32:18

Asiriyanuna mɔgɔ-banu ya kɛ le fɔ Hiburu-kan rɔ a kulu-mayɛlɛnɛ la alako anu si Yerusalɛm kɛnu rakilan nya min ka anu yisi tinya. Yerusalɛm kɛnu sɔnɛ so-tarɛ kuma. A ya a lɔn ni anu yisi tinyanta, anu bira-koe ma gbo wo rɔ.

Ɛsira 1:6

Anu sigi-nyɔgɛ damasi ya anu magben ka fen-siyaman di anu ma, sɛnɛ wo, wodi-gbɛ-miran wo, anu beli-fen wo, dunu-bi-sogo wo, fen-kolomɛ donu wo, anubɛ anu bi tala kɔ-fan minnu na Bato-Bɔn la.

Nihɛmaya 6:14

Woletɔ n ya matarali-kɛ. N ko, “Nta Alla, Tobaya anubɛ Sanbalati bara min ma n na, i fonde lamiri wo ma ka anu tɔrɔ. Hali Nɛbi-Musi Nowadaya anubɛ nɛbi-siyaman bara anu taya ka n takilan nya-wo-nya, i fonde lamiri mɔgɛ wonu ma.”

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Yaburi 56:3

E, Mari Sɛnbɛ-Bɛɛ-Tigi, n tenbi kilan rɔ, n bi n yigi sala ile le tɔ.

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 71:1

Mari, n bara na i wara n natanka-koe la. I ni a ma, n yogenu kana n namiliya.

Aiseya 40:29

Min tafaganɛ, ado anu munna ara tɛgɛ, a si wonu sɛnbɛ don.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Isikiyɛli 30:24

Wo kɔma, n si Babilɔn mansɛ bole ragbɛlɛya ka faan don a bolo. Kɔnɔ Iyipiti mansɛ, n si wo bolo filɛ rakeri. A ni to kurunna dumɛ bolo. A ni faga a yogenu yala fuyan!

Sakaraya 10:12

A ko a si ala mɔgɛnu tagbɛlɛya. Anu si a bato ka a kan to a gbɛ rɔ. Ale Mari kan le kɛ la.

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

Ɛfɛsa 3:16

N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Samuwɛli 30:6

Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.