Nihɛmaya 6:8 - ALLALA KUMƐ

⁸ Nde, Nihɛmaya ya kɛdi wo kɔfili lata ale Sanbalati ma. N ko, “I wara kumɛ min bɛɛsi sɛbɛ kɛ la, tonya-wo-tonya sa a do-wo-do rɔ. I kelen pe leta miriya sɛbɛnɛ kɛdi kɛ rɔ.”

Nihɛmaya 6:8 ပူးပေါင်းရင်းမြစ်များ

Nihɛmaya 6:7

A ko i wara a rabɛn ko nɛbi donu ni na a mayon Yerusalɛm soe burɔ ko mansɛ le ile Nihɛmaya la Yuda nyamanɛ rɔ. Nde, Sanbalati lanɛ a la ko fɔ Mansa Atasakasi wa kɛ lamɔɛn. N lanɛ a la fɔ malebɛ ile ni bɛn kan tinɛ do rɔ alako ma si ko sufa kɛ sa nya min.”

Yobu 13:4

Wo ye tɔgɛ sala n na. Wo damasi mani de iko bɛsi-bɔlɛ min ti ke mɔgɔ lakɛndɛyala.

Yaburi 36:3

Fenfen sa a da rɔ fɔ kuma-yogoma-fɔɛ anubɛ foninya-fɔɛ. Alela ko sa hɛnkilimaya-koe anubɛ ko-nyimɛ wara-koe rɔ tun.

Yaburi 38:12

N faga-sɔgɛ ye minnu na, wonu bi yili lasigila n ye. N madumɛ-sɔgɛ ye minnu na, wonu bi yanfɛ kirila n ma n tinya-koe la. Anu sa anu farala yanfɛ kirila n ma.

Yaburi 52:2

Telen-gbɛn, i ye i mirila karagbɛlɛyɛ ma. I dɛ latugunɛ iko muru-da-diyamɛ. Tuma-wo-tuma, ile ye i mirila foninya-kurɛ le ma.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Daniyɛli 11:27

Hali mansa filɛ wonu bi anu bolenu nayigila miran kelen tɔ kɔnɔ anu sɔndɔmɛ gbɛni ma anu nyɔgɔn ye feu! Anu bi foninyɛ fɔla anu nyɔgɔn ye tolon! Fenfen ti bɔ anuna yanfanteyɛ wo rɔ bawo Alla ya wati min natɛgɛ, wo ma ke wɛ.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Kɛwɔlɛnu 25:10

Pɔli ko, “N sɔnɛ Romu nyamanɛ kun-tigi-bala kiti tɛgɛ tinɛ le tɔ kɛ la, ado a bɛnta, anu ni na n kiti yan. N ma ko-yogomɛ kɛ Yahudiyanu kan ma iko ile nyɛrɛ ya a lɔn nya min.

Kɛwɔlɛnu 25:7

Pɔli kera nyɔ tumɛ min, Yahudiya minnu bɔra Yerusalɛm, wonu ya a lafoo ka ko-yogoma-wɛ siyaman sa a kuma kɔnɔ anu ya a maburi koe min bɛɛ la, anu ma ke wonu fenfen yirala kiti tɛgɛ tinɛ.