Nihɛmaya 6:6 - ALLALA KUMƐ

⁶ Kɛdi wo ko, “Kesɛm ya a fɔ n ye ko a ye gbuguru-gbuguru-kumɛ lamɔɛnna mala foolɛ rɔ ko wole Yahudiyanu bi murutiya-koe le tɔ, woletɔ wo ye tarɛ wo sɔla. A ko fanan, a sɔgɛ ye i la, i ni i nyɛrɛ ma mansɛ la.

Nihɛmaya 6:6 ပူးပေါင်းရင်းမြစ်များ

Ɛsira 4:12

“Ma tigi, a sɔgɛ ye ma la, i ni a lɔn ko Yahudiya minnu nara ka bɔ ila nyamanɛ tonke do rɔ, anu bara sigi Yerusalɛm soe burɔ, ado anu bi anuna karagbɛlɛya-so-karantan wo sɔla tun min nafanɛ murutiyɛ la. Anu bara wuli soe wo tarɛ sɔla, ado anu sa mɛla a labanna.

Ɛsira 4:15

i ni ko-kɔrɔta-karan-bukunu tafɛlɛn. Ni i ya wonu mafɛlɛn, wonu si a yira i la ko Yerusalɛm soe, murutiya-soe le. I si a yen ko soe kɛ ara mansa fɔlɔtɛnu anubɛ nyamanɛ mɔgɔ-banu yakɔrɔ-mamɔ anuta wati rɔ. Mɔgɛ kɛnu namara ma di. Wo le ya a to, anu ya soe wo tinya.

Nihɛmaya 2:19

Kɔnɔ Sanbalati anubɛ Tobaya anubɛ Arabu min tɔgɛ Kesɛm, wonu ya a lamɔɛn min kɛ ko ma ye soe anubɛ a tarɛ mabɛnna, anu ya ma mayɛlɛn ka ma bɔrɔbɔ. Anu ko, “Wo ye nfen kun na kɛ la? A sɔgɛ ye wo la, wo ni murutiya mansɛ ma, wa?”

Nihɛmaya 6:13

Anu ya a sara ka n bolo labira alako n si ko-yogomɛ kɛ nya min, ado ni n ya wo ma, anu si n tɔgɔ tinya ka n namiliya.

Nihɛmaya 6:5

Wo kɔma, Sanbalati ya ala wɔli-kɛlɛ lana n ma. Kilayɛ loli nyɔgɛ le wo la. A ya kɛdi min don n bolo, dogonta-ko ma wo la tun bawo a don-dɛ gbalɔnni ma.

Nihɛmaya 6:7

A ko i wara a rabɛn ko nɛbi donu ni na a mayon Yerusalɛm soe burɔ ko mansɛ le ile Nihɛmaya la Yuda nyamanɛ rɔ. Nde, Sanbalati lanɛ a la ko fɔ Mansa Atasakasi wa kɛ lamɔɛn. N lanɛ a la fɔ malebɛ ile ni bɛn kan tinɛ do rɔ alako ma si ko sufa kɛ sa nya min.”

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Matiyu 5:11

“Mɔgɛnu ba wo mɔɛn ka wo bira boloko-yogomɛ-kɛ ka tɔgɛ sa wo la ndela ko la, wo tigi ni sewa.

Luka 23:2

Anu ya a maburɛ dabira. Anu ko, “Ma ya kei kɛ bira bawo a ye mala mɔgɛnu nasamala. A ye a fɔla anu ye ko anu kana duti di Romu kun-tigi-wɛ ma. A ko ale nyɛrɛ le Allata-Mɔgɔ-Yabɔnɛ la, mansɛ, kɔni.”

Yɔni 19:13

Pailɛti ya kumɛ kɛnu namɔɛn tumɛ min, a ya Yisa labɔ luyi ma. A sigira kiti-tɛgɛ-waganɛ rɔ. Kan tinɛ wo tɔgɛ le ko, “Kilɛ min nadannɛ kurinu na.” (A tɔgɛ Hiburu-kan rɔ ko, “Kabata.”)

Romu 3:8

Ni tonyɛ le wo la, fɔ ma wa ko-yogomɛ kɛ alako ko-nyimɛ ni bɔ gbɛ rɔ. Minnu bi wo fɔla, a bɛnta, wonu ni yiliki sɔrɔn, ado mɔgɛ donu bi a fɔla ko nde, Pɔli fanan bi kɛ le fɔla serr!

2 Kɔrɛnti 6:8

Ma gbiliyanɛ donu bolo, ma lafɛyanɛ donu bolo. Donu bi ma manyinina, donu bi ma matɔgɔla. Hali ma tenbi tonyɛ fɔla, ma biranɛ iko foninya-fɔlɛnu.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,