Nihɛmaya 6:2 - ALLALA KUMƐ

² Ale Sanbalati anubɛ Kesɛm ya anu sara n bara ko n ni anu taran so-nɛ do rɔ Ono Lɛɛ rɔ. Kɔnɔ nde ya a lɔn ko n bira-mɔlɔnɛ le wo la anu bolo ka koe do sigi n ma.

Nihɛmaya 6:2 ပူးပေါင်းရင်းမြစ်များ

2 Samuwɛli 20:9

Yohabu ya Amasa kɔndɔn. A ko, “N bɔ, tana sa i la?” A ya Amasa bira a buyɛ ma a bolo nyimɛ la ka a nyɛrɛ ma iko a ye a sunbula le.

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

1 Ko-Kɔrɔta-Karan 8:12

Ɛlɛpeyali ya den-kei mɔgɔ sawa sɔrɔn, Iburu wo, Maisam wo, anubɛ Sɛmɛdi. Ale Sɛmɛdi ya so fila datɛgɛ, Ono anubɛ Lodi anubɛ so-mɛsɛ minnu bi wonuna foolɛnu tɔ.

Nihɛmaya 11:35

Lodi anubɛ Ono soenu tɔ anubɛ lɛɛ wo rɔ anu si min kele ko Boloma-Wɔli Kɛlɛnuna Lɛɛ.

Nihɛmaya 3:22

Tarɛ min tugunnɛ doi kɛ la, saraka-masɔlɛ minnu ya wo sɔ, wonu tɔgɛ le kɛnu na. Saraka-masɔlɛ minnu bi Yerusalɛm soela foolɛ rɔ, wonu denu ya doi wonu tatugunnɛ sɔ.

Nihɛmaya 6:3

Nde fanan ya n sara anu bara. N ko, “N bi sɛbɛna-wɔlɛ le la yan. N ti ke tala wo wara kaka. N ti sɔn wɔlɛ ni tinya nyɔ-ta-koe la kaka.”

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 37:12

Karagbɛlɛnu si mɔgɔ-nyimɛnu yanfa. Anu si to anu wunu-wununa gboyanayɛ bolo.

Yaburi 37:32

Karagbɛlɛ si a yɛ sa mɔgɔ-latelennɛ fɛ kɛlɛlɛ! A si wo ma alako a si a bila nanparan rɔ nya min ha anu ni wo faga.

Makawandili Kumɛnu 4:4

N bara a lɔn gbɛ, mɔgɛ bɛɛ sɛbɛ donnɛ wɔlɛ ma minna ko la. Ni i ya mɔgɔ-sɛbɛ-donnɛ yen, a sɔgɛ le a la, a ni tenbi a sigi-nyɔgɛ la. Hali wo, wo fanan tagbɛlɛ. Wo mani de fanan iko mɔgɔ tenbi fɔnyɔ birala.

Yɛrɛmaya 41:2

Sumanyila anubɛ ala mɔgɔ tan wonu ya anuna faannu sagan a lɛɛ rɔ ka ale Kɛdalaya faga nyɔ. Babilɔn mansɛ ya ale Kɛdalaya wo ma kun-tigi la Yuda nyamanɛ kun na nyɔ nun.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.