Nihɛmaya 6:18 - ALLALA KUMƐ

¹⁸ Yuda mɔgɔ-siyaman sɔra Tobaya fɛ nun bawo Tobaya biran-kei le Arala den Sɛkanaya la. Min sanɛ wo kuma, Tobayala den Yɛhohanan ya Bɛrɛkayala den Mɛsulamna dunmusi furu.

Nihɛmaya 6:18 ပူးပေါင်းရင်းမြစ်များ

1 Ko-Kɔrɔta-Karan 3:21

Sarababulula den Hananaya ya den-kei mɔgɔ fila sɔrɔn, Pɛlataya anubɛ Yɛsaya. Yɛsaya wo ya Rɛfaya sɔrɔn. Rɛfaya ya Aranan sɔrɔn. Aranan ya Hɔbadaya sɔrɔn. Hɔbadaya ya Sɛkanaya sɔrɔn.

Ɛsira 2:5

Ara kebilɛ minnu sɛgira, wonu yatɛ bɛnta mɔgɔ kɛmɛ wɔrɔnfila, mɔgɔ bi-wɔrɔnfila ani mɔgɔ loli (775) ma.

Nihɛmaya 3:30

Sɛlimayala den Hananaya anubɛ Selafila den-kei wɔrɔ nyɔgɛ Henɔn, wonu ya nyɔ-tatugunnɛ sɔ tun fanan, ado anuta wɔli-kɛ-tina fila nyɔgɛ le wo la. Bɛrɛkayala den Mɛsulam, wo le ya nyɔ-tatugunnɛ sɔ, ata bon-telentɛ, kɔni.

Nihɛmaya 3:4

Yurayala den Mɛrɛmoti, Hakɔsi mamanɛ, kɔni, wo le ya nyɔ-tatugunnɛ sɔ. Bɛrɛkayala den Mɛsulam, Mɛsɛsabɛli mamanɛ, kɔni, wo le ya nyɔ-tatugunnɛ sɔ. Beyanala den Sedoki ya nyɔ-tatugunnɛ sɔ.

Nihɛmaya 6:17

Kɛ wati mumɛ bɛɛ kɔrɔ, Tobaya anubɛ Yahudiyanuna kun-tigi donu bi kɛdi sɛbɛla anu nyɔgɔn ma.

Nihɛmaya 6:19

Min sanɛ wo kuma, hali Tobaya kɔma kilɛ la, mɔgɛnu si a matɔgɔ n ya la. Nde ya kuma-wo-kuma fɔ, anu si ta wo rakaran ale Tobaya ye fanan. Tuma-wo-tuma, ale Tobaya si to kɛdi sɛbɛla n ma alako a ni n makilan.

Nihɛmaya 7:10

Ara anubɛ a kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-loli ani mɔgɔ fila (652) ma.