Nihɛmaya 6:16 - ALLALA KUMƐ

¹⁶ Ma yoge min bɛɛsi ye mala foolɛ rɔ, wonu ya a lamɔɛn min kɛ ko ma ara wɔlɛ kundon, anu miliyara bawo anu bara a lɔn ko mata Alla ara ma dɛnbɛ wɔlɛ kɛ rɔ.

Nihɛmaya 6:16 ပူးပေါင်းရင်းမြစ်များ

Nihɛmaya 2:10

Sanbalati ye Bɛti-Hɔrɔn soe burɔ anubɛ Tobaya siginɛ Amon nyamanɛ mɔgɔ-bayɛ la wo wati rɔ. Mɔgɔ filɛ wonu ya a lamɔɛn min kɛ ko mɔgɛ do ara na Isirɛla mɔgɛnu dɛnbɛn-koe la, wo ma anu yisi sa mumɛ!

Nihɛmaya 4:1

Sanbalati ya a lamɔɛn min kɛ ko male Yahudiyanu bara don tara-sɔɛ rɔ, a diminyara dɔgɔma-ma-de! A donta ma mayɛlan rɔ fanan.

Nihɛmaya 4:7

Sanbalati wo, Tobaya wo, Arebiyanu wo, Amonnu wo, anubɛ Asadadi kɛnu ya a lamɔɛn min kɛ ko ma ara yanfa Yerusalɛm tara-sɔɛ rɔ, ado anu bara don a labilɛ rɔ anu nyɔgɔn ma, anu dama diminyara kosɛbɛ!

Nihɛmaya 6:17

Kɛ wati mumɛ bɛɛ kɔrɔ, Tobaya anubɛ Yahudiyanuna kun-tigi donu bi kɛdi sɛbɛla anu nyɔgɔn ma.

Yaburi 109:27

N yogenu ni a lɔn yati ko nna kisilɛ le ile le kelan la.

Yaburi 126:2

Ma yɛlɛnta ka siginu sa kati! Wo kɔma, sibolo-gbɛrɛnu ya a fɔ ko, “Mari le wara ko-makawani-siyaman kɛ kɛnu ye kati!”

Yaburi 129:5

Yerusalɛm-gboyana-mɔgɛnu, alamɛ ma ya nɔ-ko sɔrɔn wonu ma ka anu gben sɛgila.

Yaburi 147:2

Mari ye Yerusalɛm sɔla a kurɛ la ka ala mɔgɔ-birani-kɔrɛnu nana a rɔ.

Bɔ-Koe-Iyipiti 14:25

Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Yilan-Yilan Koe 23:23

Bɛsi sa nyɔ min si ko ma anu na. Suwagayɛ mako sa anu na. Mɔgɛnu si kawa anu ma, anu ni a fɔ ko, ‘Wo ni mɔgɛ kɛnu mafɛlɛn ba, Alla ya min ma anu ye.’

Kɛwɔlɛnu 5:38

Woletɔ n bi a fɔla wo ye kɛla ko la kaka, ko wo kana ko-wo-ko ma mɔgɛ kɛnu na. Wo fara anu na bawo anu ya koe min nadan, ni mɔgɛtɛ le wonu na, a si ma fuyi la.

Yasowa 2:11

Ma ya wo lamɔɛn wati min, ma dama kilanta. Ma yigi tɛgɛra feu! Sɛnbɛ ma taran ma bolo tun bawo ma ya a lɔn ko Mari Alla Min Bi Fan Bɛɛ Kuma san-kole rɔ anubɛ dugu-kole kuma, wo ye wole fɛ.

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!