Nihɛmaya 6:15 - ALLALA KUMƐ

¹⁵ Karɛ min tɔgɛ Eluli, wo tele mogan-ni-lolɛ ma, ma ya tara-ko-wɔlɛ ban. Ma ya tele bi-loli ani tele fila le bɔ a wɔlɛ rɔ.

Nihɛmaya 6:15 ပူးပေါင်းရင်းမြစ်များ

Ɛsira 6:14

Yahudiya mɔgɔ-banu tora tala yarɔ Bato-Bɔn sɔ tinɛ. Nɛbi Hegayi anubɛ Sakaraya tora anu yisi-kima-kumɛ fɔla. Anu ya Bato-Bon-wɔlɛ wo kundon iko Isirɛlata Alla anubɛ Pasiya mansa kɛnu ya a fɔ anu ye nya min, Mansa Sairasi wo, Mansa Dariyasi wo, anubɛ Mansa Atasakasi.

Ɛsira 6:15

Mansa Dariyasila mansayɛ san wɔrɔ nyɔgɛ ma, karɛ min tɔgɛ Adari wo tele sawa nyɔgɛ ma, anu ya Bato-Bɔn wo laban.

Nihɛmaya 7:1

Kɛ wati ya a taran, ma ara ban tarɛ ladanna ka a dɛnu sigi tala. Bato-Bon-makandannɛnu wo, a sigi-salɛnu wo, a Lifayi-toenu wo, wo bɛɛ ye ata wɔlɛ kun na.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Yaburi 147:2

Mari ye Yerusalɛm sɔla a kurɛ la ka ala mɔgɔ-birani-kɔrɛnu nana a rɔ.

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.