Nihɛmaya 6:14 - ALLALA KUMƐ

¹⁴ Woletɔ n ya matarali-kɛ. N ko, “Nta Alla, Tobaya anubɛ Sanbalati bara min ma n na, i fonde lamiri wo ma ka anu tɔrɔ. Hali Nɛbi-Musi Nowadaya anubɛ nɛbi-siyaman bara anu taya ka n takilan nya-wo-nya, i fonde lamiri mɔgɛ wonu ma.”

Nihɛmaya 6:14 ပူးပေါင်းရင်းမြစ်များ

Nihɛmaya 13:29

E, nta Alla, i fonde lamiri saraka-masɔlɛ kɛnu ma bawo anu bara saraka-masɔ-wɔlɛ lafɛya ka anuta lanyiri tinya Alla ya min kiri anubɛ Lifayinu tɛma ka a tɛgɛ sibolo-gbɛrɛkɛ-musu-furu-koe ma.

Nihɛmaya 5:19

E, Alla, i yandi, n bara koe min bɛɛsi kɛ mɔgɛ kɛnu ye, a ma, n ni wo barayi sɔrɔn yarɔ.

Yaburi 137:7

E, Mari, Idɔm kɛnu ya min ma, Yerusalɛm birara tele min na, i fonde lamiri wo ma. Anu tora a fɔla ko, “Wo ni soe tii mɛmɛ ka anubɛ dugu-kole rakɛnya.”

Yaburi 22:1

E, nta Alla, nfenna i wara n boloka? N bara n kan nabɔ i ma alako i ni n dɛnbɛ kɔnɔ ha bi, i ma na wɛ.

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Bɔ-Koe-Iyipiti 15:20

Woletɔ Aruna kɔrɔ musi Miriyam, nɛbi-musi, kɔni, wo ya ata wasanbɛnu bi anubɛ Isirɛla musinu ka dɔn kɛ buta a ma.

Yɛrɛmaya 14:15

Nɛbi minnu bi wɔlɔyiya-kumɛnu fɔla ale Mari tɔgɛ rɔ, Mari ye kɛnu fɔla wonu denu kan ma. A ko ale ma anu sɔ feu! Anu denu bi a fɔla mɔgɛnu ye ko ita mɔgɛnu ti tɔrɔya-wo-tɔrɔya sɔrɔn anu yogenu bolo. Anu ko kɔnkɔ ti sa ila mɔgɛnu ma. Mari ko anu tɔgɔ ye tola anu yogenuna faan le la, ado kɔnkɛ le ye nɛbi wonu fagala.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 28:1

San kelan wo le ma, Sɛdɛkayala mansayɛ san nani nyɔgɛ, kɔni, wo karɛ lolɛ ma, Esurila den Hananaya min bi nɛbiyɛ la ka bɔ Kibiyon nyamanɛ soe do rɔ, wo kumara n ye Bato-Bɔn la. A kumara n ye saraka-masɔlɛnu anubɛ wole, mɔgɛ bɛɛ yala.

Yɛrɛmaya 28:10

N ban wo fɔla, Hananaya ya sara-ninki kanma-kɔlɔma bɔ n kan ma ka a rakerikeri.

Yɛrɛmaya 28:15

Wo kɔma, nde, Yɛrɛmaya ya a fɔ Hananaya ye ko, “I tole masɔ. Mari ma i sɔ de! I wara a ma, Yuda kɛnu bara la ila foninyɛnu na.

Matiyu 24:11

Foninya-nɛbi siyaman si bɔ gbɛ rɔ minnu si mɔgɔ siyaman nasama.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

1 Yɔni 5:16

Min ba a na-kelen-nyɔgɛ yen hakɛ kɛla, min ti a ma, a ni foo habadan-nimayɛ la, a ni Alla madiya mɔgɛ wo ye. Alla si niyi di hakɛ-tigi wo ma. Minta hakɛ ti a ma, a ni foo habadan-nimayɛ la, n bi wonu denu ma. Kɔnɔ hakɛ do ye nyɔ min si a ma, a ni foo habadan-nimayɛ la. N ma a fɔ ko wo ni Alla madiya wola ko la.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.