Nihɛmaya 6:13 - ALLALA KUMƐ

¹³ Anu ya a sara ka n bolo labira alako n si ko-yogomɛ kɛ nya min, ado ni n ya wo ma, anu si n tɔgɔ tinya ka n namiliya.

Nihɛmaya 6:13 ပူးပေါင်းရင်းမြစ်များ

Nihɛmaya 6:12

N ya n miri kumɛ kɛ ma a kila-bɛrɛbɛrɛ fɛ, n ya a lɔn ko Alla ma kuma Sɛmaya kɛ ye. Tobaya anubɛ Sanbalati le ya a sara kumɛ kɛ fɔ-koe la.

Nihɛmaya 6:6

Kɛdi wo ko, “Kesɛm ya a fɔ n ye ko a ye gbuguru-gbuguru-kumɛ lamɔɛnna mala foolɛ rɔ ko wole Yahudiyanu bi murutiya-koe le tɔ, woletɔ wo ye tarɛ wo sɔla. A ko fanan, a sɔgɛ ye i la, i ni i nyɛrɛ ma mansɛ la.

Hɛnkilimaya-Kumɛnu 22:1

Tɔgɔ-nyimɛ tenbira nɔnfuli la. Mɔgɛ wa to gbiliyɛ rɔ mɔgɛnu bolo, wo tenbira sɛnɛ anubɛ wodi-gbɛ la.

Hɛnkilimaya-Kumɛnu 29:5

Mɔgɔ-wo-mɔgɔ si a da le fɔ a ta-nyɔgɛ ye, wo ye gbɛrɛ le lasigila a ta-nyɔgɛ ye wo la.

Makawandili Kumɛnu 7:1

Tɔgɔ-nyimɛ fisa tulu-suma-diyamɛ ko. Mɔgɔ-saya-tele fisa a sɔrɔn-tele ko.

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 57:11

Mari ko wo ye kilanna bɛsɛ nyamintan na min bi a mala, wo ye foninyɛ fɔla a ye? A ko wo ma wo miri a ma doni bɛrɛn fɔ wo ya wo kan-kɔ-sɔɛ min kɛ a la. A ko a madenɛ ara mɛ min kɛ, woletɔ wo sa kilanna a la tun, ba?

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 20:10

N si mɔgɛnu yen wɛwɛ sala n kan ma. Anu bi a fɔla ko, “Ala kumɛ dama si ma kumakɔ-koe la tolon!” Anu bi a fɛ ka n yasere-masa anuna mɔgɔ-banu ye. N diyana-mɔgɛ kɛnu bi n napɛrɛnna ni n si sama nya min doni! Anu bi a fɔla ko, “Tumado ma si a bolo labira alako ma ni a nɔ nya min.” Anu bi nna makawandili-kumɛnu yili-sara-koe rɔ n na kɛ nya na le.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Matiyu 22:15

Farisinu tara ka gbundu kiri anu si ta Yisa da-kɔrɔbɔ nya na.

Matiyu 26:59

Saraka-masɔla-wɛnu anubɛ Yahudiya-kɛmɔgɛ bɛɛ ya anu taya ka foninya-sereyɛnu nyini Yisa kan ma anu si a faga minna ko la.

Kɛwɔlɛnu 6:13

Anu nara mɔgɛ donu na minnu ya foninyɛ fɔ a ma. Anu ko, “Tuma-wo-tuma, kei kɛ ye kumala Alla Bato-Bon-sɛnimɛ anubɛ Nɛbi Musala tɔn ma.

2 Kɔrɛnti 11:12

N bi min ma tinɛ kaka, n si to wo kɛla bawo foninya-kilaya-makawanɛ doi wonu kana nyɛrɛ-matɔgɔ-kunya sɔrɔn ka a fɔ ko male ye wɔlila nya min, anu fanan bi wɔlila wo nya na le.

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

2 Timoti 1:7

ado Alla ya ata Ni-Sɛnimɛ min di ma ma, wo ma male ma kilandɔgɛnu na. Kɔnɔ a ya ma yisi ragbɛlɛya ka sɛnbɛ anubɛ keninteyɛ anubɛ nyɛrɛ-marɛ di ma ma.

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

Yemesi 4:17

Wo ni wo hɛnkili to kɛ ko. Ni mɔgɛ ya ko-nyimɛ-kɛ nya-lɔn kɔnɔ a ma a kɛ, hakɛ le wo la.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”