Nihɛmaya 6:11 - ALLALA KUMƐ

¹¹ N ya a fɔ a ye ko, “Wo mɔgɔ-su ma nde la min bi a burila ka a dogon. Saraka-masɔla ma nde la iko n bi tala n niyi-lakisi-koe rɔ Bato-Bɔn la. N ta-tina ma nyɔ la, ado n ti ta nyɔ mumɛ!”

Nihɛmaya 6:11 ပူးပေါင်းရင်းမြစ်များ

Nihɛmaya 6:12

N ya n miri kumɛ kɛ ma a kila-bɛrɛbɛrɛ fɛ, n ya a lɔn ko Alla ma kuma Sɛmaya kɛ ye. Tobaya anubɛ Sanbalati le ya a sara kumɛ kɛ fɔ-koe la.

Nihɛmaya 6:3

Nde fanan ya n sara anu bara. N ko, “N bi sɛbɛna-wɔlɛ le la yan. N ti ke tala wo wara kaka. N ti sɔn wɔlɛ ni tinya nyɔ-ta-koe la kaka.”

Nihɛmaya 6:9

N ya a yen ko anu bi ma rakilan-koe le tɔ alako ma kana na wɔlɛ kɛ kɛ. N ya Alla matara ko, “Alamɛ n sɛnbɛ makofura.”

Yaburi 112:6

Mɔgɔ-nyimɛ wara-koe ti sɛgi kɔma. Mɔgɛnu yili si to a ko wati bɛɛ.

Yaburi 112:8

A ti hɔn, ado a ti kilan. A yili latɛgɛni a yoge nɔ-koe ma.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Makawandili Kumɛnu 10:1

Sisa-faganɛnu si tulu-suma-diyamɛ sɔgɔ labɔ mɔgɛ la nya min, kun-takolonyɛ doni si fɛɛ sa hɛnkilimaya-kumɛ la wo nya na le.

Aiseya 10:18

A gbɔngbɔn wo, a sɛni-sa-tina wo, wo bɛɛ si mintan gburr, ado a ko kirayɛ si to mɔgɛnu fagala wo nya na le tolon!

Yilan-Yilan Koe 3:10

Kɔnɔ i ni Aruna anubɛ ala dannu yabɔ ka anu ma saraka-masɔla-wɛnu na. Aruna anubɛ ala dannu dɔrɔn ni saraka-sɛnimɛ bɔ mɔgɛ bɛɛ ye. Ni mɔgɔ-wo-mɔgɔ ya a tui ka ma saraka-masɔlɛ la anu denu kɔma, wo tigi si faga.”

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Kɛwɔlɛnu 8:1

Sɔli sɔnta Sitifen faga-koe ma. Marita mɔgɛ donu ya Sitifen togon ka di ala ko la bɛrɛkɛ! Tɔrɔya-ba wulita Allata mɔgɛnu kan ma Yerusalɛm soe burɔ wulɔn tele. Dɛnkɛninya-mɔgɛ bɛɛ nyɛnsɛnta Yudiya anubɛ Samariya nyamanɛ bɛɛ rɔ fɔ Marita kilayɛnu.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

Filipai 2:30

bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.

1 Samuwɛli 19:5

A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”