Nihɛmaya 5:9 - ALLALA KUMƐ

⁹ Wo kɔma, n ya a fɔ anu ye ko, “Wo ye min kun na, wo ma telen. Wo ni Alla sako kɛ ka ko-telennɛ ma. Wo si a ma, sibolo-gbɛrɛnu ti ma mayɛlɛn-kunya sɔrɔn.

Nihɛmaya 5:9 ပူးပေါင်းရင်းမြစ်များ

Ko-Dabirɛnu 20:11

Iburayima ya a fɔ a ye ko, “Ni i ya a yen n ya kɛ ma, n ya a lɔn ko mɔgɔ sa nyamanɛ kɛ rɔ min si kilan Alla la bawo n ya a lɔn ko anu si n faga ka nna musi kɛ bi n bolo.

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

2 Samuwɛli 12:14

Kɔnɔ bawo i wara tɛgɛ Mari rɔ, Batasiba ara dan min sɔrɔn i ye wo la, wo si faga.”

Nihɛmaya 4:4

Woletɔ n ya Alla matara, n ko, “E, Alla, i wɔlɔ matɔlɔ ma rasɛlɛnu bi min fɔla ma ma. Ma mayɛlɛn-kan ni sɛgi anu kɔgɔ rɔ. I yandi, a ma, mɔgɛ donu ni na anu bira ka ta anubɛ anu bolo-fannu na pon!

Nihɛmaya 5:10

Hali mabɛ ma ta-nyɔgɛ anubɛ anuna wɔli-kɛlɛnu, male fanan bara yili don nun. Kɔnɔ koe min bɛɛ ara tenbi, ma nyina wo dama ko wona.

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Yaburi 90:11

Yon si ke ita fondo-bɔ-fanka lɔnna? Ma si kilan i la iko a bɛnnɛ ka kilan ita fondo-bɔɛ la nya min.

Hɛnkilimaya-Kumɛnu 16:29

Karagbɛlɛ si a ta-nyɔgɛ bɔ kila-nyimɛ fɛ. A si a lasama kilɛ ma.

Hɛnkilimaya-Kumɛnu 17:26

A ma kin, mɔgɛ ni ko-tinyabɛlɛ tɔrɔ. Ni mɔgɔ-ba ye ko-latelennɛ kɛla, a ma kin, mɔgɛ ni wo gbesi wola ko la.

Hɛnkilimaya-Kumɛnu 18:5

Mɔgɔ kana lafisayalɛ kɛ ka karagbɛlɛ yiliki ma a yoe la anubɛ ka mɔgɔ-latelennɛ-yoe ma a yiliki la.

Hɛnkilimaya-Kumɛnu 19:2

A ma kin, koe do ladan-sɔgɛ ni mɔgɛ do bira min nadan-hɛnkili sa a bolo. A ma kin, mɔgɛ ni gbaran a nyɛrɛ la ko-ladan tinɛ.

Hɛnkilimaya-Kumɛnu 24:23

Hɛnkilimɛ le ye kɛnu damasi fɔla. Kiti-tɛgɛlɛ kana lafisayalɛ kɛ kiti sa tinɛ.

Isikiyɛli 36:20

Anu tara kan-tinɛ min bɛɛ rɔ, anu ya tɔgɔ-tinyɛ sanba n ma. Mɔgɛnu kɛnɛna a fɔla ko, ‘Marita mɔgɛ le kɛnu na kɔnɔ hali wo, a ara anu gben ata nyamanɛ rɔ.’

Saraka-Masɔlɛnuta Tɔnnu 25:36

Ni i ya a dɔndɔ min na, i kana tɔnɛ sa wo kuma. Ni i ye ila dɔntɛ mayirala a ma, i kana tɔnɛ sa wo fanan kuma. Wo ni kilan nde, Alla la ka wo sigi-nyɔgɛnu fɛ-bira.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 2:24

Ado nfan, a sɛbɛnɛ Allala kitabu rɔ ko, “Ka a tɛgɛ wole Yahudiyanu sɔn ma, sibolo-gbɛrɛnu bi Alla rasɛla.”

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

Taita 2:5

Musu-fonike wonu ni ma nyɛrɛ-bira-mɔgɛnu na anubɛ mɔgɔ-sɛnimɛnu. Anu ni ma furu-musu-nyimɛnu anubɛ ko-nyima-kɛlɛnu na minnu bi anuna keinuna kumɛ birala. Ni wo mara, mɔgɔ-wo-mɔgɔ ti kuma-yogomɛ fɔ Allala kumɛ ma.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Samuwɛli 2:24

Nna dannu, Marila mɔgɛnu bi min fɔla n ye, ko-yogomɛ le wonu na. Wo ni wo sɔn-yogomɛ wonu boloka!