Nihɛmaya 5:2 - ALLALA KUMƐ

² Donu bi a fɔla ko, “Mala denbayɛnu siya, ado dɔn-fen-koe ma a bɔ ma bolo.”

Nihɛmaya 5:2 ပူးပေါင်းရင်းမြစ်များ

Ko-Dabirɛnu 41:57

Duninya-mɔgɛ bɛɛsi tara Yusufu wara Iyipiti nyamanɛ rɔ dɔn-fen nyini tinɛ bawo kɔnkɔ-fitinɛ ara duninya-mɔgɛ bɛɛ tɔrɔ wati wo rɔ.

Ko-Dabirɛnu 42:2

N bara a lamɔɛn ko dɔn-fan ye Iyipiti nyamanɛ rɔ. Wo ta dɔn-fen san tinɛ nyɔ alako ma kana na faga kɔnkɛ bolo.”

Ko-Dabirɛnu 43:8

Yuda fanan ya a fɔ a fa ye ko, “I ni n dɔgɛ don nde bolo. Ma ni ta alako mabɛ mala denbayɛnu kana na faga kɔnkɛ bolo.

Ko-Dabirɛnu 47:19

Ma tigi, i yandi, ma dɛnbɛ. Ma kana na faga i ya la. Yanni ma ni faga kɔnkɛ bolo, wo ni mabɛ mala duginu san dɔn-fan la. Male si to yɔɔnyɛ rɔ mansɛ bolo. Mala duginu si to mansɛ bolo. Nba woletɔ, i yandi, sugi di ma ma alako mala duginu makolɔn kana to.”

2 Mansɛnu 4:1

Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

Nihɛmaya 5:3

Donu fanan bi a fɔla ko, “Fɔ ma ya mala wɔli-kɛ-tinɛnu anubɛ mala bɔnnu sigi tulumɛ le la alako ma ni dɔn-fan donu sɔrɔn min si a ma, ma ti faga kɔnkɔ-fitinɛ bolo.”

Hegayi 1:6

Wo ye fen-siyaman fuila kɔnɔ wo sa fen-kɛndɛ sɔrɔnna anu tɔ. Dɔn-fannu bi wo bolo kɔnɔ anu ti wo buyi lafa. Wo ye wo minna kɔnɔ wo kan la ti kimɛ. Kurɛnu bi wo bolo kɔnɔ anu ti kimɛ bɔ wo la. Wo si wodinu sɔrɔn kɔnɔ wola wodi ti sigi wo bole tɔ.

Malakayi 2:2

A ko fɔ wo ni a gbiliya wola ko-ladan-bolenu fɛ. Ni wo ma ata kumɛ bira, a si wo danka. A ko hali wo ye wo nilɛ minnu sɔrɔnna sarakɛ wonu tɔ, a si wo bɛɛ danka. Ado nfan, a ara ban wo bɛɛsi dankala gbuyɛ bawo wo ma ala tɔn bira wo sɛbɛ la.

Tɔn-Fɔɛ-Fila-Nyɔgɛ 23:19

“Ni mɔgɛ ya a na-kelen-nyɔgɛ Isirɛla mɔgɛ do dɔndɔ fenfen na iko wodi, ni wo ma, dɔn-fan, a kana a tɔnɛ sa a kuma.