Nihɛmaya 5:19 - ALLALA KUMƐ

¹⁹ E, Alla, i yandi, n bara koe min bɛɛsi kɛ mɔgɛ kɛnu ye, a ma, n ni wo barayi sɔrɔn yarɔ.

Nihɛmaya 5:19 ပူးပေါင်းရင်းမြစ်များ

Ko-Dabirɛnu 40:14

I wa bɔ yele kɛ la tumɛ min, i yandi, i ni i hɛnkili to n ko ka ko-nyimɛ kɛ n ye. I ni n masigima-koe fɔ mansɛ ye alako nde, Yusufu ni bɔ yele kɛ la yan.

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

Nihɛmaya 13:14

E, nta Alla, i fonde lamiri koe wo dama ma n bara minnu ma ita Bato-Bɔn anubɛ a wɔlɛla ko ma.

Nihɛmaya 13:22

Wo kɔma, n ya a fɔ Lifayinu ye ko anu ni anu nyɛrɛ sɛninya ka to tarɛ don-dɛnu makandanna alako Sulen-Tele ni to gbiliyɛ rɔ. E, Alla, i fonde lamiri n ma kɛ fananna ko la. I ni n tanka ka a tɛgɛ ita keninteya-wɛla ko ma.

Nihɛmaya 13:31

N ya sɔgɛ wara-koe rabɛn anu bi sarakɛnu mintanna minnu na alako sɔgɛ wo ni na a wati-bɛrɛ rɔ. Mɔgɛnu si na dɔn-fen-kun-fɔlɛnu na nya min, n ya wo bɛɛ rabɛn. E, nta Alla, i miri kɛ dama ma. I ni n barayi wonuna ko la.

Yaburi 106:4

Mari, i wa wuli ila mɔgɛnu dɛnbɛna, i ni i fonde lamiri nde fanan ma. I tenbi ila mɔgɛnu nakisila, i kana nyina nde fanan ko.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Yɛrɛmaya 29:11

Ale le kelen pe ya a miriya lɔn wola ko la. A miriya ye wo la yarɔma-ta-koe le ma, kasarɛ ma de! A ye a fɛ, wo ni yigi-bɛrɛbɛrɛ sɔrɔn yarɔma.

Matiyu 10:42

Wo ni wo hɛnkili to kɛ ko! Min ba yi-kimɛ di nna mɔgɔ-dɔgɔmani kelen ma bawo nna mɔgɛ le, ale fanan si barayi sɔrɔn, yɔ!”

Maraka 9:41

Wo ni wo hɛnkili to kɛ ko! Min ba min-kɛ-yi di wo ma bawo nde, Allata-Mɔgɔ-Yabɔnɛtɛ le wo le la, wo si ata barayi sɔrɔn serr!