Nihɛmaya 5:15 - ALLALA KUMƐ

¹⁵ Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Nihɛmaya 5:15 ပူးပေါင်းရင်းမြစ်များ

Ko-Dabirɛnu 20:11

Iburayima ya a fɔ a ye ko, “Ni i ya a yen n ya kɛ ma, n ya a lɔn ko mɔgɔ sa nyamanɛ kɛ rɔ min si kilan Alla la bawo n ya a lɔn ko anu si n faga ka nna musi kɛ bi n bolo.

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

Nihɛmaya 5:16

N ya n fanka ban tara-sɔ-ko-wɔlɛ la. N ma n sɛbɛ don n halala-ko ma. Hali nna bonna-wɔli-kɛlɛnu, wonu kofura n ma tara sɔ tinɛ.

Nihɛmaya 5:9

Wo kɔma, n ya a fɔ anu ye ko, “Wo ye min kun na, wo ma telen. Wo ni Alla sako kɛ ka ko-telennɛ ma. Wo si a ma, sibolo-gbɛrɛnu ti ma mayɛlɛn-kunya sɔrɔn.

Yobu 31:23

N ti ko-yogo-sifa kɛ ma bawo n kilannɛ Allata tɔrɔyɛ la.

Yaburi 112:1

N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.

Yaburi 147:11

Kɔnɔ a kolan si bɔ a gbiliyalɛnu denu na. Minnu yigi bɛnnɛ ala hinɛ ma, a makoe ye wonu denu na.

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 29:12

Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Yɛrɛmaya 32:9

N ya wodi-gbɛ-gbu tan-ni-wɔrɔnfila bɔ ka dugi wo san a ma.

Nimisa Koe 5:8

Yɔɔnnu bi ma marala, ado kaka, mɔgɔ-wo-mɔgɔ sa min si ma bɔ anu bolo.

Matiyu 5:47

Ni i ya i diyana-mɔgɛ dɔrɔn kɔndɔn, i wara nfen ma worɔ ka tenbi mɔgɛ doinu na? Hali minnu sa Alla batola, wonu fanan si wo ma!

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

2 Kɔrɛnti 12:13

Nba, n ya wo bira boloko-yogomɛ-kɛ ka tenbi chɔchi donu na nun kama? Fɔ n ma wo yakɔrɔ-mamɔ min kɛ wodi-ko-dɛnbɛnɛ la dɔrɔn. Wo yandi, wo ni n makoto hakɛ wo la!

1 Samuwɛli 8:15

Ni wo ya wola fui-fannu anubɛ wola ki-fannu kundɛn, ni wo ya a suman kɔnɔntɔ, a tan nyɔgɛ, a si wonu bi wo bolo ka wonu di ala kandɛnu anubɛ ala mɔgɔ-banu ma.