Nihɛmaya 5:12 - ALLALA KUMƐ

¹² Kun-tiginu ya a fɔ ko, “Ma si a ma iko i wara a fɔ nya min. Ma si bɛɛ bolo-fan lasɛgi a ma, ado ma ti wodi makele anu bolo tun!” N ya saraka-masɔlɛnu kele alako kun-tiginu ni anu nyɛrɛ lasɛ anu kuman-kan wola ko la.

Nihɛmaya 5:12 ပူးပေါင်းရင်းမြစ်များ

Ɛsira 10:12

Mɔgɛ bɛɛ ya a lawɔyɔ nya-kun-kelen, anu ko, “I ya fenfen fɔ, ma ye i kɔma.”

Ɛsira 10:5

Woletɔ a saraka-masɔ-kun-tigi wo, a Lifayi wo, anubɛ Isirɛla mɔgɔ-to wo, nde, Ɛsira ya a ma, anu dama ya anu keli Alla ye ko anu si a ma iko Sɛkanaya ya a fɔ nya min nun.

Nihɛmaya 10:29

ka ma keli. Mabɛ mala mɔgɔ-banu, ma ko Alla ya tɔn minnu di ata wɔli-kɛla Nɛbi Musa ma, ma si wo bɛɛ bira, ado ni min ya kɛ do tinya, wo tigi ye dankɛ kɔrɔ. Mata Mari ara kumɛ min bɛɛsi fɔ ma ye, ma si wo bɛɛ bira ka a latɔnbagaya. Ko-dande wo le kɛnu na.

Nihɛmaya 10:30

Furu-nyɔgɔnya ti don mabɛ sibolo-gbɛrɛnu tɛma tun.

Nihɛmaya 10:31

Ka tenbi wo la, ni anu nara fui-fan la, ni wo ma, fen-gbɛrɛkɛ a mayira-koe la Sulen-Tele ma anubɛ tele-sɛnimɛ do ma, ma ti sɔn anu sanna mumɛ! San-wɔrɔ wo san-wɔrɔ, a wɔrɔnfila nyɔgɛ ma, ma si a ma, mala wɔli-kɛ-tinɛnu ni anu sulen. San wo nyɛrɛ la fanan, tɔn si sigi yili-makele-koe la ma nyɔgɔn tɛma.

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Nihɛmaya 5:11

A wodi-yili wo, a dɔn-fen-yili wo, a minni-fen-yili wo, a tulu-yili wo, ma ni nyina wo dama ko ka tɔn sigi wo la. Ma ni tulumɛ bɛɛ lasɛgi a tigi ma. A mara a wɔli kɛ tina la wo, a mara a ki-fen na wo, a mara a bon na wo, wo bɛɛ ni sɛgi a tigi ma bi.”

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”