Nihɛmaya 5:11 - ALLALA KUMƐ

¹¹ A wodi-yili wo, a dɔn-fen-yili wo, a minni-fen-yili wo, a tulu-yili wo, ma ni nyina wo dama ko ka tɔn sigi wo la. Ma ni tulumɛ bɛɛ lasɛgi a tigi ma. A mara a wɔli kɛ tina la wo, a mara a ki-fen na wo, a mara a bon na wo, wo bɛɛ ni sɛgi a tigi ma bi.”

Nihɛmaya 5:11 ပူးပေါင်းရင်းမြစ်များ

2 Samuwɛli 12:6

Iko a ara karagbɛlɛya-su min nadan wo la ka bolo-kolɔnla kolo-fen kelan bi a bolo, a bɛnta de, a ni wo nyɔgɔn nani nasɛgi bolo-kolɔn wo ma.”

Nihɛmaya 5:10

Hali mabɛ ma ta-nyɔgɛ anubɛ anuna wɔli-kɛlɛnu, male fanan bara yili don nun. Kɔnɔ koe min bɛɛ ara tenbi, ma nyina wo dama ko wona.

Nihɛmaya 5:12

Kun-tiginu ya a fɔ ko, “Ma si a ma iko i wara a fɔ nya min. Ma si bɛɛ bolo-fan lasɛgi a ma, ado ma ti wodi makele anu bolo tun!” N ya saraka-masɔlɛnu kele alako kun-tiginu ni anu nyɛrɛ lasɛ anu kuman-kan wola ko la.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Luka 3:8

Koe minnu si a yira ko wo ara wo kɛ-nyanu yɛlɛma, wo ni wonu kɛ. Wo kana to a fɔla wo nyɔgɔn tɛma ko Iburayima manɛ wo benba la min kɛ, wo ti tɔrɔyɛ sɔrɔn. N bi a fɔla wo ye ko hali kuri kɛnu, Alla si ke wonu mala dannu na Iburayima ye!

Tɔn-Fɔɛ-Fila-Nyɔgɛ 6:11

Wo si bɔnnu nafanɛ taran fen-nyima-siyaman na, wo ma tɔrɔ minnu na. Wo si kɔlɔnnu taran, wo ma minnu sin. Wo si ki-fen-siyaman taran, wo ma minnu ki. Mari wa ta wo la nyɔ tumɛ min, wo si dɔnta siyaman sɔrɔn minnu si wo wasa.

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”