Nihɛmaya 5:1 - ALLALA KUMƐ

¹ Wati tenbinɛ, keinu wo, musinu wo, anubɛ mɔgɔ-siyaman donta masigima-kan-fɔɛ rɔ ka a bɛn anu ta-nyɔgɛ Yahudiyanu ma.

Nihɛmaya 5:1 ပူးပေါင်းရင်းမြစ်များ

Nihɛmaya 4:23

Nde wo, n ta-nyɔgɛnu wo, nna wɔli-kɛlɛnu wo, n makandannɛnu wo, ma do-wo-do ma to ma mayɛlɛmana suyi rɔ. Ma dama tora mala kɛlɛ-mirannu namarala ma dafɛ.

Yobu 34:28

Kun-tigi wonu ya bolo-kolɔnnu bira boloko-yogomɛ-kɛ ha bolo-kolɔn wonu dira Alla dala. Wo le ya a ma, ale fanan ya anu di-kɛ-kan lamɔɛn.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yɛrɛmaya 34:8

Mansa Sɛdɛkaya anubɛ Yerusalɛm kɛnu sɔnta ko kelen ma. Anu sɔnta ko bɛɛ ni a ta-nyɔgɛ Hiburu yɔɔn boloka, a keima wo, a musuma wo. A ko mɔgɔ kana a na-kelen-nyɔgɛ Isirɛla mɔgɛ ma yɔɔn la tun. Mɔgɔ-banu anubɛ anuna mɔgɛnu sɔnta yɔɔn-boloka-koe wo ma. Anu ko anu ti wo sufa ma tun. Anu ya anuna yɔɔnnu boloka kɔnɔ tɔ-a-la, anu ya anu miriya yɛlɛma. Anu ya anu nasɛgi yɔɔnyɛ rɔ tun ka a lagbɛlɛya anu kuma. Wo kɔma, Mari Isirɛlata Alla ya sarakanɛ don n bolo

Isikiyɛli 45:9

Ko-rayirɛ kɛ rɔ, ma Tigi Mari ko, “Wole Isirɛla kun-tiginu, wo ara mɛ hakɛ kun na. Wo ni wo fara mɔgɔ-tɔrɛ anubɛ karagbɛlɛyɛ la. Wo ni ko-telennɛ anubɛ ko-nyimɛ kɛ. Wole kun-tiginu, wo ni wo fara nta mɔgɛnu gbenna anuta nyamanɛnu tɔ.” Ale ma Tigi Mari kan le kɛ la.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Kɛwɔlɛnu 7:26

Wo banda kɛ, a ya Isirɛla mɔgɔ fila yen kɛlɛla. A ya a raya ka kɛlɛ ban anu tɛma. A ko, ‘N bɔnu, wo ni wo tole masɔ. Na-kelen-nyɔgɛ le wole la. Nfenna wo ye ko-yogomɛ kɛla wo nyɔgɔn na?’

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!