Nihɛmaya 4:7 - ALLALA KUMƐ

⁷ Sanbalati wo, Tobaya wo, Arebiyanu wo, Amonnu wo, anubɛ Asadadi kɛnu ya a lamɔɛn min kɛ ko ma ara yanfa Yerusalɛm tara-sɔɛ rɔ, ado anu bara don a labilɛ rɔ anu nyɔgɔn ma, anu dama diminyara kosɛbɛ!

Nihɛmaya 4:7 ပူးပေါင်းရင်းမြစ်များ

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

2 Mansɛnu 24:2

Mari ya a ma, nyamani-kun nani mɔgɔ-kurɔn donu wulita Yuda nyamanita-mɔgɛnu kan ma iko Mari ya a fɔ ala wɔli-kɛla nɛbinu ye nya min nun. Kurun do bɔra Babilɔn, do nara ka bɔ Siriya nyamanɛ rɔ, do nara ka bɔ Mohabu nyamanɛ rɔ, anubɛ do nara ka bɔ Amon nyamanɛ rɔ.

2 Ko-Kɔrɔta-Karan 20:1

Wati tenbinɛ, Mohabununa kɛlɛ-dannu wo, Amonnuna kɛlɛ-dannu wo, anubɛ Mɛhunnuna kɛlɛ-dannu ka bɔ Idɔm nyamanɛ rɔ, wonu tara bui Yuda nyamanɛ ma.

Ɛsira 5:8

“Ma tigi, i ni a lɔn ko ma tara Yuda nyamanɛ rɔ tumɛ min, ma ya a taran, anu bi Alla-makawanɛta Bato-Bɔn sɔla. Anu bi kuru-wɛnu lɛsɛla ka kɔlɔmanu sa dandannu tɔ. Anu bi Bato-Bon-wɔlɛ kɛla anu fɛrɛma. A ye tala yarɔ a kin na!

Nihɛmaya 2:10

Sanbalati ye Bɛti-Hɔrɔn soe burɔ anubɛ Tobaya siginɛ Amon nyamanɛ mɔgɔ-bayɛ la wo wati rɔ. Mɔgɔ filɛ wonu ya a lamɔɛn min kɛ ko mɔgɛ do ara na Isirɛla mɔgɛnu dɛnbɛn-koe la, wo ma anu yisi sa mumɛ!

Nihɛmaya 2:19

Kɔnɔ Sanbalati anubɛ Tobaya anubɛ Arabu min tɔgɛ Kesɛm, wonu ya a lamɔɛn min kɛ ko ma ye soe anubɛ a tarɛ mabɛnna, anu ya ma mayɛlɛn ka ma bɔrɔbɔ. Anu ko, “Wo ye nfen kun na kɛ la? A sɔgɛ ye wo la, wo ni murutiya mansɛ ma, wa?”

Nihɛmaya 4:1

Sanbalati ya a lamɔɛn min kɛ ko male Yahudiyanu bara don tara-sɔɛ rɔ, a diminyara dɔgɔma-ma-de! A donta ma mayɛlan rɔ fanan.

Nihɛmaya 4:6

Ma ban matarali-kɛla, ma ya mala wɔlɛ dabira tun. A ma mɛ lefan, ma ya tarɛ wo labila a nyɔgɔn ma ka a mayɛlɛ gbagba ha a tɛma bawo ma sɛbɛ donnɛ wɔlɛ wo ma a nya ma.

Nihɛmaya 4:8

Woletɔ anu ya yanfɛ kiri ma ma alako anu ni na ma kɛlɛ Yerusalɛm soe burɔ ka ma kɔndɔfili.

Nihɛmaya 6:16

Ma yoge min bɛɛsi ye mala foolɛ rɔ, wonu ya a lamɔɛn min kɛ ko ma ara wɔlɛ kundon, anu miliyara bawo anu bara a lɔn ko mata Alla ara ma dɛnbɛ wɔlɛ kɛ rɔ.

Yɛrɛmaya 25:20

sundannu wo, Yusi nyamanita mansɛnu wo, Filisiti so-tigi minnu bi Asikalɔn wo, Kesa wo, anubɛ Ɛkirɔn soenu, anubɛ Asadadi soe toe min tonɛ wo,

Yɛrɛmaya 41:10

Wo kɔma, mansɛla dunmusinu anubɛ Misipa so-burɔ-mɔgɛ toenu, Nɛbusaradan ya minnu kerifa Kɛdalaya la, Sumanyila ya Amon kilɛ bira ka ta mɔgɔ-biranɛ wonu na a bolo.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Emɔsi 1:8

A ko a si Filisitinu anubɛ anuna kun-tiginu halaki anuna so-karantannu tɔ, Asadadi anubɛ Asikalɔn, kɔni. A ko a si Ɛkirɔn-soe-mɔgɛnu tɔrɔ ka Filisitinu nato dogbe!” Taya Kɛnu

Emɔsi 3:9

Nɛbi Emɔsi ya Mari kuman-kan natenbi Iyipiti mansɛ ma anubɛ Filisitinuna mansɛ ma min siginɛ Asadadi soe rɔ. A ko, “Mari ko nyamani-kun filɛ kɛ mɔgɛnu ni anu nadɛn kɔnkɛnu kuma Samariya soe dafɛ ka anu yɛ bɛn Isirɛla mɔgɛ wonu ma, anu bi ko-yogoma-sifa minnu mala.

Kɛwɔlɛnu 5:33

Mɔgɔ-banu ya wo lamɔɛn tumɛ min, anu yisi bɔra bɛrɛkɛ! Marita kilayɛnu faga-sɔgɛ ya anu bira kosɛbɛ!

Lankɛnimayɛ 12:17

Ninkinankɛ diminyara musi wo ma kati! Musi wo bɔnsɔn-toe min ya Allata tɔnnu bira ka Yisala tonyɛ yira, ninkinankɛ wo tara wo bɛɛ kɛlɛ tinɛ.

1 Samuwɛli 11:2

Nehasi ya a fɔ anu ye ko, “N si sɔn kɔnɔ ko kelen bi nyɔ, ni wo sɔnta wo ma, ma ti wo kɛlɛ, wo le, ka wo damasi bolo-nyimama-yɛnu tii. Wo si ma wole Isirɛla mɔgɛnuna miliya-koe la.”