Nihɛmaya 4:5 - ALLALA KUMƐ

⁵ Bawo anu bi ma mayɛlɛnna wɔlɛ kɛla ko la, i yandi, i kana anu makoto anu hakɛ wo la hali ka nyina anu sɔn-yogomɛ ko.”

Nihɛmaya 4:5 ပူးပေါင်းရင်းမြစ်များ

2 Samuwɛli 17:2

A bandannɛ tenbi, a yisi tinyanɛ, ma ni a kɛlɛ wati wo rɔ. A si kilan, ado ala kɛlɛ-dannu si anu buri. Nde si ale mansɛ kelan bira ka a faga.

Nihɛmaya 4:6

Ma ban matarali-kɛla, ma ya mala wɔlɛ dabira tun. A ma mɛ lefan, ma ya tarɛ wo labila a nyɔgɔn ma ka a mayɛlɛ gbagba ha a tɛma bawo ma sɛbɛ donnɛ wɔlɛ wo ma a nya ma.

Yaburi 109:14

A benbanu ya ko-yogomɛ min bɛɛsi ma, alamɛ Mari fonde tora wonu ko. Alamɛ Mari kana a na hakɛ makoto.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 51:9

I kolan bɔ n hakɛ la. N sɔn-yogomɛ bɛɛ firan n na feu!

Aiseya 2:9

Hadama-dan damasi si miliya ka yarabi. Mari, i kana anu makoto mumɛ!

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Nimisa Koe 1:22

“I ban n yogenu na ka anu halaki ka a tɛgɛ anuna karagbɛlɛyɛ ma anu bara min sigi n na. I ni anu tɔrɔ iko i ya n tɔrɔ nya min. N bi kɛ damasi fɔla tumɛ min, n bi kurunna yisi-tinya bolo.”

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.