Nihɛmaya 4:2 - ALLALA KUMƐ

² A kɛnɛna a fɔla a na-kelen-nyɔgɛnu anubɛ Samariya kɛlɛ-dannu yala ko, “Yahudiya-manyimanɛ kɛnu miri ye nfen ma? Soe kɛ mumɛ ladan-sɔgɛ le ye anu na, wa? Kɛnu miri ko anu si banna soe kɛ mumɛ bɛɛsi ladanna tele kelen kɔrɔ saraka-bɔɛ fɛ? Anu si buriburi-mintantɛ-kɛ yɛlɛma kurinu na ka bɔn sɔ anu na?”

Nihɛmaya 4:2 ပူးပေါင်းရင်းမြစ်များ

Ɛsira 4:4

Woletɔ anu yoge minnu siginɛ nyɔ rɔ, wonu ya anu taya ka kɔndɔfili anubɛ kilan don anu tɔ alako Bato-Bɔn wo sɔɛ kana bɛn.

Nihɛmaya 12:27

Anu wuli tarɛ dantɛgɛla Mari ma Yerusalɛm soe burɔ, anu ya kilayɛ lata Lifayi bɛɛ ma Yuda nyamanɛ rɔ alako anu ni na kofu anu ma ladɛn wo rɔ. Anu ya wo ma le alako wonu ni na anu dɛnbɛ baraka-bira-bɛti-bɔɛ anubɛ wasanba-fɔɛ anubɛ sɔrɔn-fɔɛnu na.

Nihɛmaya 12:43

Mɔgɛnu ya saraka-siyaman nabɔ wulɔn tele rɔ, ado anu sewara dɔgɔma-ma-de bawo Alla le ya anu nasewa. Musinu anubɛ dennɛnu kofura anu ma. Mɔgɔ tenbi wula-yan la, a ye anu wɔyɔ-kan lamɔɛnna sewɛ bolo.

Nihɛmaya 4:10

Ma ye wɔlɛ kɛ kun na tumɛ min, Yuda kɛnu ya sigi do sa. Anu ko, “Male dunu-madununɛnu bara bandan. Ma ye buriburi min madununa, wo siya kati! Male dɔrɔn ti ke tarɛ kɛ sɔla.”

Nihɛmaya 6:15

Karɛ min tɔgɛ Eluli, wo tele mogan-ni-lolɛ ma, ma ya tara-ko-wɔlɛ ban. Ma ya tele bi-loli ani tele fila le bɔ a wɔlɛ rɔ.

Yaburi 83:4

Anu bi a fɔla ko, “Wo na, ma ni mɔgɛ kɛnu nato alako Isirɛla wara-koe ni tuni yen!”

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 33:24

mɔgɛnu bi a fɔla ko ale Mari ara Isirɛla anubɛ Yuda min yabɔ, a ara wonu boloka. A ya nde, Yɛrɛmaya manyinika ni n ya wo lamɔɛn de! Woletɔ a ko mɔgɛnu yigi-tɛgɛnɛ ala mɔgɛnu na. Anu ma anu miri anu ma bɔnsɔn la lefan!

Daniyɛli 9:25

I tole masɔ bɛrɛkɛ! Ka a bi anu ya Yerusalɛm sɔ-koe fɔ a kurɛ la tumɛ min ha Allata-Mɔgɔ-Yabɔnɛ ni na, fɔ san wɔrɔnfila sigi tina wɔrɔnfila (49) wa tenbi. Anu si soe wo tarɛ kɔmɛ lafoo denka-rayan-bɛ la ka so-burɔ-luyinu tabɛn a kilɛ fɛ. A si san bi-wɔrɔ san fila sigi tina wɔrɔnfila (434) bɔ, soe wo sɔnɛ si to. Kɔnɔ wati wo bɛɛ si ma anu bolo tɔrɔyɛ la.

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.

Sakaraya 12:8

Wo wati wa ke, ale Mari si Yerusalɛm kɛnu nakanan. Hali minta ma gbɛlɛ, wo kole si gbɛlɛya iko Mansa Dawuda. A kegeyɛnu si sɔ kɛlɛ-dannu yarɔ iko ale Marita melika ye a mala nya min, Alla, kɔni.

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

1 Kɔrɛnti 1:27

Duninya si min lɔn yuwaya-koe la, Alla ya a lawuli a ma serr, ka wo le yabɔ alako a ni hɛnkilimɛnu namiliya wonu fɛ. Duninya ye a mirila min ma ko sɛnbɛ sa a bolo, Alla ya wo le yabɔ alako a ni mɔgɔ-sɛnbɛmɛnu namiliya.